- ءبارى «بۇيراتاۋ» ۇلتتىق پاركىنىڭ اسەم كورىنىستەرىنەن باستالدى. كەڭ دالا. مۇلگىگەن تىنىشتىق. تابيعاتتىڭ وزىنە عانا ءتان عاجايىپ ۇيلەسىمى…
كەنەت كامەرا نازارىنا ەركىن جايىلىپ جۇرگەن بۇلاندار ىلىكتى. ءبىرى اسىقپاي ءشوپ جەپ ءجۇر. ەكىنشىسى باسىن كوتەرىپ، كامەراعا ءۇنسىز قارايدى. سالدەن سوڭ ارتىنا بۇرىلىپ، ءوز تىرشىلىگىن جالعاستىرادى، دەپ سۋرەتتەيدى ۆيدەوداعى كورىنىستى ۇلتتىق تابيعي پاركىنىڭ ينسپەكتورى.
ەشقانداي ەرەكشە ارەكەت جوق. تەك تابيعاتتىڭ كۇندەلىكتى تىرشىلىگى. ءبىراق كەيدە ەڭ اسەرلى ساتتەر ءدال وسىنداي قاراپايىم كورىنىستەردە جاسىرىنىپ جاتادى.
- بۇل ادەمى ساتتەردى «بۇيراتاۋ» مەملەكەتتىك ۇلتتىق تابيعي پاركىنىڭ ينسپەكتورى بەينەجازباعا ءتۇسىردى. تابيعاتتى قورعاۋدىڭ ءمانى دە وسىندا: ءبىز تاماشالايتىن وسى ادەمى ساتتەر جابايى جانۋارلار ءۇشىن كۇندەلىكتى، تىنىش ءومىر بولىپ قالا بەرۋى كەرەك،-دەلىنگەن حابارلامادا.
وسىعان دەيىن الماتى تابيعي قورىعىندا فوتوتۇزاققا تاۋتەكەلەردىڭ تەكەتىرەسى ءتۇسىپ قالعان بولاتىن.