بىرەۋ ورىندىقتى سىندىرسا، وعان ەشكىم ەسكەرتۋ جاسامايدى - دوسايەۆ

الماتى. KAZINFORM - الماتى قالاسىنىڭ اكىمى ەربولات دوسايەۆ المالى اۋدانىنىڭ تۇرعىندارىمەن كەزدەستى. سۇراق- جاۋاپ كەزىندە اۋدان تۇرعىنى «الماتىلىقتاردىڭ كودەكسىن» جاساۋدى ۇسىندى.

«مەن «الماتىلىقتاردىڭ كودەكسىن» جاساۋدى ۇسىنامىن. اباي بويىنداعى ورىندىقتاردا «ومىردەن ءلاززات الىڭىز» دەگەن جازۋلار بار، وتىرايىن دەسەڭ وندا تەمەكىنىڭ تۇقىلى تۇرادى. سوندىقتان تۇرعىندارعا بىردەي كودەكس جاسايىق»، - دەدى تۇرعىن.

ەربولات دوسايەۆ قازىرگى ۋاقىتتا «تازا قازاقستان» باعدارلاماسى ىسكە اسىرىلىپ جاتقانىن اتاپ ءوتتى.

«مەملەكەت باسشىسىنىڭ «تازا قازاقستان» باستاماسىن ادامدار جاقسى قابىلدادى. مەن الماتى جاقسارا ءتۇستى دەپ ويلايمىن. جالپى ورتاق مادەنيەتىمىز تۋرالى سۇراقتار ءالى دە بار. ءبىراق بۇل ماسەلە ءبىر كۇندە شەشىلمەيدى. بىرەۋ قوقىس تاستاسا نە دالاداعى ورىندىقتاردى سىندىرسا، ادامدار كوبىنە وعان ەسكەرتۋ جاسامايدى. «مەنىڭ شارۋام ەمەس» دەيدى. بۇل دا ءبىزدىڭ زاتىمىز، ال الماتى ورتاق ءۇيىمىز ەكەنىن تۇسىنگەن كەزدە بىزدە ءتارتىپ پەن تازالىق بولادى»، - دەدى الماتى اكىمى.

اۆتور

دوسبول اتاجان