استانا. KAZINFORM - بۇگىنگى تاڭدا قازاقستاندا اۋە كەمەلەرىنىڭ پاركىندە 104 بىرلىكتى قۇرايدى، ونىڭ ىشىندە 2025 -جىلدىڭ ءبىرىنشى جارتىجىلدىعىندا جەتكىزىلگەن 6 جاڭا Airbus A320 ءتيپتى ۇشاعى مەن 1 جاڭا Boeing 737 MAX 8 ۇشاعى بار. بۇل تۋرالى ۇكىمەت ءمالىم ەتتى.
2030 -جىلعا دەيىن پارك تاعى 103 ۇشاقپەن تولىقتىرىلادى، بۇل 216 بىرلىككە دەيىن ارتتىرۋعا مۇمكىندىك بەرەدى.
- بيىل 36 جاڭا حالىقارالىق مارشرۋت اشىلىپ، نارىققا 8 شەتەلدىك اۆياكومپانيا كەلدى. ەل ىشىندە 61 باعىت بويىنشا اپتاسىنا 850 رەيس جاسالادى، - دەپ اتاپ ءوتتى ماقسات قالياقپاروۆ.
ەلىمىزدە كولىكتىك قولجەتىمدىلىكتى قامتاماسىز ەتۋ جانە الەۋمەتتىك ماڭىزى بار باعىتتاردى قولداۋ ءۇشىن قازاقستاننىڭ 9 وبلىسىندا 21 سۋبسيديالاناتىن مارشرۋت جۇمىس ىستەيدى. ولاردى جۇزەگە اسىرۋعا 2025 -جىلى 6,4 ميلليارد تەڭگە ءبولىندى. ءۇشارال، ءۇرجار، كوكشەتاۋ، تۇركىستان جانە باسقا دا تۋريستىك باعىتتاردى دامىتۋعا ەرەكشە نازار اۋدارىلىپ وتىر.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.