بۇگىنگى سامميتتەن 33 ەلدەن كەلگەن 700 جۋرناليست اقپارات تاراتىپ جاتىر

  استانا. KAZINFORM - بۇگىن استانادا ءوتىپ جاتقان شاڭحاي ىنتىماقتاستىق ۇيىمىنىڭ 24- سامميتىنەن 33 مەملەكەتتەن كەلگەن 150 شەتەلدىك ب ا ق- تىڭ 700 وكىلى اقپارات تاراتىپ جاتىر.

بۇل جايىندا پرەزيدەنتتىڭ كەڭەسشىسى - باسپا ءسوز حاتشىسى بەرىك ءۋالي حابارلادى.

ولاردىڭ اراسىندا ءۇندىستان، يران، قىتاي، قىرعىزستان، پاكىستان، رەسەي، تاجىكستان، وزبەكستان، بەلارۋس، موڭعوليا، ازەربايجان، قاتار، ب ا ءا، تۇركيا، تۇرىكمەنستان، ۇلى بريتانيا، جاپونيا، يتاليا، گەرمانيا، فرانسيا، سەربيا، ا ق ش، مالايزيا، يسپانيا، نورۆەگيا، چەحيا، وڭتۇستىك كورەيا، يەمەن، مىسىر، يورداني، ليۆان، كانادا جانە سينگاپۋر ەلدەرىنىڭ جۋرناليستەرى بار.

«ارىپتەستەرىمىزدىڭ ىڭعايلى جۇمىس ىستەۋى ءۇشىن 3 باسپا ءسوز ورتالىعى تاۋەلسىزدىك سارايىندا، بەيبىتشىلىك جانە كەلىسىم سارايىندا جانە ۇلتتىق مۋزەيدە جاساقتالعان. بۇگىنگى ماڭىزدى حالىقارالىق ءىس- شاراعا 200 گە جۋىق وتاندىق جۋرناليست تىركەلدى. اتاپ ايتقاندا، 13 تەلەارنادان، 28 ينتەرنەت رەسۋرستان، 6 باسىلىمنان كەلگەن ارىپتەستەرىمىز سامميتتەن اقپارات تاراتىپ وتىر»، - دەپ جازدى بەرىك ءۋالي Facebook پاراقشاسىندا.