بۇگىنگى رەفەرەندۋمدا مەملەكەت بولاشاعىنا حالىق شەشىم قابىلداپ جاتىر - ەرلان قوشانوۆ
استانا. KAZINFORM - ءماجىلىس ءتوراعاسى ەرلان قوشانوۆ ەلورداداعى №163-رەفەرەندۋم ۋچاسكەسىندە داۋىس بەردى، دەپ حابارلايدى قازاقپارات ءتىلشىسى.
پالاتا سپيكەرى ەرلان قوشانوۆ «قازاقستان تەمىر جولى» عيماراتىنداعى سايلاۋ ۋچاسكەسىنە كەلىپ، ەلوردا تۇرعىندارىمەن بىرگە قازاقستاندا اتوم ەلەكتر ستانسياسىن سالۋ ماسەلەسى بويىنشا ءوتىپ جاتقان رەسپۋبليكالىق رەفەرەندۋمدا ءوز تاڭداۋىن جاسادى.
«بۇگىنگى رەفەرەندۋم اياسىندا مەرەكەلىك كوڭىل-كۇيدەمىن دەپ ايتا الامىن. سەبەبى مەملەكەتىمىز ءۇشىن وتە ماڭىزدى كۇن. اتاپ ايتقاندا، ەلىمىزدىڭ بولاشاعىنا قاتىستى وتە ءىرى شەشىم جاسالىپ جاتىر. ەڭ نەگىزگىسى - بۇل شەشىمدى حالىق قابىلداپ وتىر. وسىعان دەيىن كونستيتۋتسيالىق رەفورمانى قابىلدادىق. بۇل رەفورمانىڭ نەگىزگى ماقساتى قانداي؟ ول ءار ادامنىڭ مەملەكەتتىڭ ساياسي ومىرىنە ەمىن-ەركىن ارالاسۋ. بۇگىن سونىڭ ناقتى كورىنىسىن بايقاپ وتىرمىز. بارلىق وڭىردە ءار ازاماتىمىز ءوز داۋىستارىن بەرىپ جاتىر. ءار وڭىردەن كەلىپ جاتقان اقپاراتقا قاراعاندا، بەلسەندىلىك وتە جوعارى. مەنىڭ ويىمشا، مەملەكەتىمىزدىڭ بولاشاعى ءۇشىن بۇگىن حالىق دۇرىس شەشىم قابىلدايدى»، - دەدى ءماجىلىس ءتوراعاسى.
اۆتور
رۋسلان عابباسوۆ