بۇگىننەن باستاپ نەكەدە تۇرعاندارعا نەسيە بەرۋدىڭ جاڭا ەرەجەسى كۇشىنە ەندى

استانا. KAZINFORM -بۇگىننەن باستاپ ەلىمىزدە زاڭدى نەكەدە تۇرعان ازاماتتارعا اقشالاي نەسيە بەرۋدىڭ جاڭا ەرەجەلەرى كۇشىنە ەندى، دەپ حابارلايدى 24kz.

قاۋلىعا سايكەس جۇبايىنىڭ قارىز نەمەسە ميكروكرەديت بەرۋگە كەلىسىمىن الۋ قاعيدالارى بەكىتىلدى. ياعني، نەسيە شارتىنا قول قويماس بۇرىن بانك كليەنتتىڭ نەكەسى تىركەلگەندىگى تۋرالى اقپاراتتى الدىن الا تەكسەرەدى. مالىمەت راستالىپ، نەسيە سوماسى بەلگىلەنگەن شەكتەن اسىپ كەتسە، كرەديتور جۇبايىنىڭ كەلىسىمىن الۋعا مىندەتتى. مۇنداي قارىزدىڭ ەڭ تومەنگى مولشەرى 1000 ا ە ك، ياعني، 3 ميلليون 692 مىڭ تەڭگەنى قۇرايدى. ال جۇبايىنىڭ كەلىسىمىنسىز بەرىلگەن قارىزدى كرەديت بەرۋشى ەسەپتەن شىعارۋعا مىندەتتى.