بۇگىن ەۋروپا چەمپيوناتىندا قاي قۇرامالار وينايدى

استانا. KAZINFORM - فۋتبولدان 2024 -جىلعى ەۋروپا چەمپيوناتىنىڭ ەكىنشى ويىن كۇنى، 15 -ماۋسىمدا ءۇش ويىن وتكىزىلەدى.

الدىمەن 18:00-دە ا توبىندا. ۆەنگريا مەن شۆەيتساريا وينايدى.

كەزدەسۋ «Qazsport» تەلەارناسىنان تىكەلەي ەفيردە كورسەتىلەدى.

ەكى قۇراما قازىرگە دەيىن 46 مارتە كەزدەسكەن، ونىڭ 30-ى ۆەنگريالىق قۇرامانىڭ باسىمدىعىمەن اياقتالسا، 5- ءى تەڭ اياقتالىپ، قالعانىندا شۆەيتساريالىق فۋتبولشىلار جەڭىسكە جەتتى.

قۇرلىقتىق دودادا ۆەنگريا بەسىنشى مارتە باق سىناپ وتىرسا، شۆەيتساريا التىنشى مارتە قاتىسۋدا.

ودان كەيىنگى يسپانيا مەن حورۆاتيا ويىنى 22:00-گە بەلگىلەنگەن. كەزدەسۋدى جانكۇيەرلەر «Qazaqstan» جانە «Qazsport» تەلەارنالارى ارقىلى تىكەلەي ەفيردە تاماشالاي الادى.

قازىرگە دەيىن ەكى قۇراما 10 مارتە شەبەرلىك بايقاستى. ولاردىڭ 5- ءى يسپانيالىق قۇرامانىڭ جەڭىسىمەن اياقتالسا، 2-دە تەڭ ناتيجە تىركەلىپ، قالعانىندا حورۆاتيانىڭ مەرەيى ۇستەم بولدى.

يسپانيا بيىل قۇرلىقتىق دودا فينالدىق ساتىسىندا ونىنشى مارتە ويناپ جاتسا، حورۆاتيا جەتىنشى مارتە كەلدى.

بۇگىنگى ويىنداردى ساعات 23:55-تە يتاليا مەن حورۆاتيا كەزدەسۋى تۇيىندەيدى. ويىن «Qazsport» تەلەارناسىنان تىكەلەي ەفيردە كورسەتىلەدى.

ەكى قۇراما اراسىنداعى بۇعان دەيىنگى 4 كەزدەسۋدىڭ بارلىعىندا يتاليالىق فۋتبولشىلار جەڭىسكە جەتتى.

ەسكە سالساق، 14-ماۋسىمدا ا توبىنداعى گەرمانيا قۇراماسى العاشقى كەزدەسۋىندە شوتلانديانى 5:1 ەسەبىمەن جەڭدى.

ايتا كەتسەك، بۇدان بۇرىن فۋتبولدان ەۋروپا چەمپيوناتىنىڭ ويىن كەستەسى جاريالاندى.