قازاقستاندىق كاسىپقوي بوكسشى مەيىرىم نۇرسۇلتانوۆ (19-0، 11 ك و) چيلي وكىلى حۋليو الاموسقا (16-1، 9 ك و) قارسى جەكپە-جەگى الدىندا سالماق ولشەۋ پروتسەدۋراسىنان ءوتتى. kazinform بۇل تۋرالى Instagram-داعى «قازاقستاننىڭ كاسىپقوي بوكسى» پاراقشاسىنا سىلتەمە جاساپ حابارلايدى.
م. نۇرسۇلتانوۆ ورتا سالماق ساناتىنىڭ ليميتىنەن اسپاي، تارازى 72,5 كەلى كورسەتتى. ونىڭ قارسىلاسىنىڭ كورسەتكىشى - 72,3 كەلى.
بوكسشىلار سالماق ولشەگەننەن كەيىن ءداستۇرلى تۇردە كوز ارباسۋ ءراسىمىن وتكىزدى.
نۇرسۇلتانوۆ - الاموس ايقاسى 17- قاراشا كۇنى وزبەكستاننىڭ استاناسى - تاشكەنتتە وتەدى. جەكپە-جەك ستاتۋسى - WBC جەلىسى بويىنشا ىرىكتەۋ كەزدەسۋ.
ايتا كەتەيىك، جەڭىلىپ كورمەگەن قازاقستاندىق بوكسشى مەيىرىم نۇرسۇلتانوۆ دۇنيەجۇزىلىك بوكس ۇيىمىنىڭ (WBO) نۇسقاسى بويىنشا 2023-جىلدىڭ ورتا سالماقتاعى ۇزدىك بوكسشىسى اتاندى.
سونداي-اق ول BoxRec.com سايتىندا سالماق دارەجەسىنەن تىس قازاقستاندىق بوكسشىلار رەيتينگىندە كوش باستاپ تۇر.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.