بۇگىن ەلىمىزدىڭ باسىم بولىگىندە جەل تۇرىپ، جاڭبىر جاۋادى

استانا. KAZINFORM - «قازگيدرومەت» ر م ك ەل اۋماعىندا 28-تامىزدا بولاتىن قاۋىپتى مەتەورولوگيالىق قۇبىلىستارعا بولجام جاسادى.

فرونتالدى بولىمدەردىڭ وتۋىمەن قازاقستاننىڭ كوپ بولىگىندە اۋا رايىنىڭ تۇراقسىز سيپاتى ساقتالادى. نايزاعاي، بۇرشاق، داۋىلمەن بىرگە جاڭبىر جاۋىپ، تۇندە ەلدىڭ ورتالىعىندا قاتتى جاۋىن جاۋادى.

رەسپۋبليكانىڭ باتىسىندا، وڭتۇستىك- باتىسىندا، سولتۇستىك- باتىسىندا جاۋىن- شاشىنسىز اۋا رايى ساقتالادى. رەسپۋبليكا بويىنشا جەلدىڭ كۇشەيۋى كۇتىلىپ، ەلدىڭ سولتۇستىگىندە، سولتۇستىك- باتىسىندا، شىعىسىندا تۇنگى جانە تاڭەرتەڭگى ساعاتتاردا تۇمان بولىپ، وڭتۇستىگىندە، وڭتۇستىك- باتىسىندا شاڭدى داۋىل تۇرادى.

«اباي، ۇلىتاۋ وبلىستارىندا، باتىس قازاقستان وبلىسىنىڭ باتىسىندا، ورتالىعىندا، اتىراۋ وبلىسىنىڭ ورتالىعىندا، وڭتۇستىك- شىعىسىندا، ماڭعىستاۋ وبلىسىنىڭ ورتالىعىندا، قىزىلوردا وبلىسىنىڭ سولتۇستىك-شىعىسىندا، ورتالىعىندا، جەتىسۋ وبلىسىنىڭ سولتۇستىك جارتىسىندا، قاراعاندى وبلىسىنىڭ باتىسىندا، شىعىسىندا، اقتوبە وبلىسىنىڭ وڭتۇستىگىندە، الماتى وبلىسىنىڭ باتىسىندا، سولتۇستىگىندە، شىعىس قازاقستان وبلىسىنىڭ باتىسىندا جوعارى ءورت قاۋپى ساقتالادى»، - دەپ جازدى سينوپتيكتەر.

قىزىلوردا، تۇركىستان، جامبىل، اتىراۋ، ماڭعىستاۋ وبلىستارىندا، شىعىس قازاقستان، قاراعاندى، ۇلىتاۋ وبلىستارىنىڭ وڭتۇستىگىندە، باتىس قازاقستان وبلىسىنىڭ وڭتۇستىگىندە، شىعىسىندا، اباي وبلىسىنىڭ باتىسىندا، سولتۇستىك- باتىسىندا، وڭتۇستىگىندە توتەنشە ءورت قاۋپى بار.