بۇگىن ەلىمىزدىڭ باسىم بولىگىندە جاڭبىر جاۋادى - قازگيدرومەت

استانا. KAZINFORM - «قازگيدرومەت» ر م ك- سى قازاننىڭ 2-كۇنگى كۇن رايى بولجامىن جاريالادى.

كاسىپورىن تاراتقان دەرەكتەرگە قاراعاندا، قازاقستاننىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە قاراي جاڭبىر جاۋادى، ەلدىڭ وڭتۇستىگىندە نايزاعاي ويناپ، سولتۇستىگىندە، وڭتۇستىك-شىعىستىڭ تاۋلى ايماقتارىندا جاڭبىر، قار جاۋادى.

رەسپۋبليكانىڭ باتىسىندا، سولتۇستىك-باتىسىندا عانا جوعارى قىسىمدى ءورىستىڭ اسەرىنەن اۋا قۇرعاق جانە جىلى بولادى. قازاقتان بويىنشا جەل كۇشەيىپ، تۇنگى جانە تاڭەرتەڭگى ۋاقىتتاردا سولتۇستىكتە، ەلدىڭ وڭتۇستىك-شىعىسىنداعى تاۋلى اۋدانداردا-تۇمان تۇسەدى.

قاراعاندى، اقتوبە وبلىسىنىڭ سولتۇستىگىندە، سولتۇستىك-شىعىسىندا، ۇلىتاۋ وبلىسىنىڭ شىعىسىندا، باتىس قازاقستان وبلىسىنىڭ سولتۇستىگىندە، قىزىلوردا وبلىسىنىڭ سولتۇستىك-باتىسىندا، جامبىل وبلىسىنىڭ وڭتۇستىك-شىعىسىندا، قوستاناي وبلىسىنىڭ وڭتۇستىگىندە، ماڭعىستاۋ وبلىسىنىڭ شىعىسىندا، شىعىس قازاقستان وبلىسىنىڭ باتىسىندا، وڭتۇستىگىندە، ورتالىعىندا، اباي وبلىسىنىڭ سولتۇستىگىندە، شىعىسىندا، ورتالىعىندا جوعارى ءورت قاۋپى ساقتالادى.

ماڭعىستاۋ، اتىراۋ، اقتوبە، تۇركىستان، قىزىلوردا، جامبىل، باتىس قازاقستان، ۇلىتاۋ وبلىستارىندا، قاراعاندى وبلىسىنىڭ باتىسىندا، شىعىسىندا، اباي وبلىسىنىڭ وڭتۇستىگىندە، جەتىسۋ وبلىسىنىڭ باتىسىندا، سولتۇستىگىندە، ورتالىعىندا، الماتى وبلىسىنىڭ سولتۇستىگىندە، باتىسىندا توتەنشە ءورت قاۋپى ساقتالادى.