بۇگىن ەلىمىزدىڭ باسىم بولىگىندە اياز بولادى - قازگيدرومەت

قازاقستاننىڭ باسىم بولىگىنە، سولتۇستىك- باتىس انتيسيكلونى اسەر ەتىپ، كۇن كوبىنەسە جاۋىن- شاشىنسىز، الايدا ايازدى بولادى، دەپ حابارلايدى Kazinform «قازگيدرومەت» ر م ك-نا سىلتەمە جاساپ.

اتموسفەرالىق اعىنداردىڭ وتۋىنە بايلانىستى ەلىمىزدىڭ باتىسىندا قار، وڭتۇستىگىندە، وڭتۇستىك- شىعىسىندا جاياۋ بۇرقاسىن سوعادى. اتىراۋ وبلىسىنىڭ وڭتۇستىگىندە، شىعىسىندا ماڭعىستاۋ وبلىسىندا شاڭدى داۋىل تۇرىپ، جامبىل وبلىسىنىڭ وڭتۇستىگىندە، تاۋلى اۋدانداردا تۇمان تۇسەدى. قازاقستان بويىنشا جەل كۇشەيەدى.

تۇندە سولتۇستىكتە، الماتى، جامبىل وبلىستارىنداعى تاۋلى اۋدانداردا، جەتىسۋ وبلىسىنىڭ تاۋلى اۋداندارىندا 33-38 گرادۋس اياز بولادى.

تۇركىستان وبلىسىنىڭ تاۋلى اسۋلارىندا، جامبىل وبلىسىنىڭ سولتۇستىك- شىعىسىندا كەي ۋاقىتتا وتە كۇشتى جەل سوعىپ، جىلدامدىعى سەكۋندىنا 30 م/س- كە جەتەدى نەمەسە ودان دا جوعارى بولادى دەپ كۇتىلۋدە.