بۇگىن ەلىمىزدە وتەتىن ماڭىزدى ءىس-شارالار اڭداتپاسى

استانا. قازاقپارات - Kazinform حالىقارالىق اقپارات اگەنتتىگى 24-ساۋىردە ەلىمىزدە وتەتىن ماڭىزدى وقيعالاردىڭ الدىن الا شولۋىن ۇسىنادى.

استانا

9:00 دە تاۋەلسىزدىك سارايىندا قازاقستان حالقى اسسامبلەياسىنىڭ XXXIV سەسسياسىنىڭ پلەنارلىق وتىرىسى وتەدى.

9:00 دە Hilton قوناقۇيىندە قازاقستان ماشينا جاساۋشىلارىنىڭ XII فورۋمى باستالادى.

10:00 دە EXPO-2017 اۋماعىندا «يننوۆاتسيالار. تۇراقتىلىق. بولاشاق» تاقىرىبىندا ستۋدەنتتىك حاكاتون وتەدى. بۇل ءىس-شارا تۇراقتى دامۋ، اقپاراتتىق تەحنولوگيالار جانە ءبىلىم بەرۋ سالالارىنداعى يننوۆاتسيالىق يدەيالاردى جۇزەگە اسىرۋ الاڭى بولماق.

11:30 دا ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە «يممۋنوپروفيلاكتيكا ماسەلەلەرى» تاقىرىبىندا دوڭگەلەك ۇستەل وتەدى.

15:00 دە Maqsut Narikbayev ۋنيۆەرسيتەتىندە «جۇمىس ىستەمەيتىن كاسساتسيا» تاقىرىبىندا دوڭگەلەك ۇستەل باستالادى. وندا زاڭگەرلەر، دەپۋتاتتار جانە مەملەكەتتىك ورگانداردىڭ وكىلدەرى ا ق ب ت ك بويىنشا شاعىمدانۋ بولاشاعىن تالقىلايدى.

15:00 دە Nazarbayev University عيماراتىندا «دالانىڭ جاسىل يننوۆاتورلارى: قازاقستاننىڭ تۇراقتى بولاشاعىن قالىپتاستىرۋ» كىتابىنىڭ رەسمي تۇساۋكەسەرى وتەدى.

15:00 دە ق ر پارلامەنتى سەناتىنىڭ جالپى وتىرىسى بولادى.

17:00 دە «Rixos President Astana» قوناقۇيىندە قازاقستان-چەحيا ۇكىمەتارالىق كوميسسياسىنىڭ ەكونوميكالىق، وندىرىستىك جانە عىلىمي-تەحنيكالىق ىنتىماقتاستىق جونىندەگى XII وتىرىسى وتەدى.