بۇگىن ەل اۋماعىندا جاڭبىر مەن بۇرشاق جاۋىپ، كۇن كۇركىرەيدى

استانا. KAZINFORM - قازگيدرومەت سينوپتيكتەرى 24-ءساۋىر، سارسەنبىگە ارنالعان اۋا رايى بولجامىن جاريالادى.

بۇگىن قازاقستان تەرريتورياسىنىڭ باسىم بولىگىنە وڭتۇستىك سيكلون جانە سونىمەن بايلانىستى اتموسفەرالىق فرونتتار اسەر ەتەدى.

سوندىقتان نايزاعاي جارقىلداپ، جاڭبىر جاۋادى، وڭتۇستىك- شىعىستا بۇرشاق جاۋادى.

رەسپۋبليكا بويىنشا جەل كۇشەيەدى، وڭتۇستىك- باتىستا جانە وڭتۇستىك- شىعىستا شاڭدى داۋىل سوعادى.

تەك ەلىمىزدىڭ سولتۇستىك- شىعىسىندا، شىعىسىندا جاۋىن-شاشىنسىز اۋا رايى ساقتالادى.

قىزىلوردا وبلىسىنىڭ ورتالىعىندا، شىعىسىندا جانە قىزىلوردا قالاسىندا، ماڭعىستاۋ وبلىسىنىڭ سولتۇستىك- شىعىسىندا جوعارى ءورت قاۋىپى بار.