بۇگىن كۇن رايى قانداي بولادى

استانا. KAZINFORM - سينوپتيكتەر 13-مامىر، سەيسەنبى كۇنى ەلىمىزدىڭ ءبىرقاتار وڭىرىندە ەسكەرتۋ جاريالادى.

قازاقستاننىڭ كوپ بولىگىندە اۋا رايى تۇراقسىز بولىپ قالا بەرەدى.

نايزاعاي ويناپ، جاڭبىر مەن بۇرشاق جاۋادى، جەل كۇشەيەدى، ال سولتۇستىك- باتىس پەن سولتۇستىكتە نوسەر بولادى. تەك ەلدىڭ ورتالىعى، شىعىسى مەن وڭتۇستىگىندە جاۋىن-شاشىنسىز اۋا رايى ساقتالادى. تۇندە جانە تاڭەرتەڭ ەلىمىزدىڭ وڭتۇستىك-باتىسىندا، سولتۇستىگىندە جانە ورتالىعىندا تۇمان تۇسەدى.

ماڭعىستاۋ، قاراعاندى، ۇلىتاۋ وبلىستارىندا، جەتىسۋ وبلىسىنىڭ وڭتۇستىك- شىعىسىندا، اباي وبلىسىنىڭ باتىسى مەن سولتۇستىگىندە، جامبىل وبلىسىنىڭ سولتۇستىگى مەن وڭتۇستىك- شىعىسىندا، تۇركىستان وبلىسىنىڭ تاۋلى ايماقتارىندا، الماتى وبلىسىنىڭ سولتۇستىگى مەن باتىسىندا، اتىراۋ وبلىسىنىڭ وڭتۇستىگى مەن باتىسىندا، اقتوبە وبلىسىنىڭ وڭتۇستىگى، وڭتۇستىك- شىعىسى جانە باتىسىندا، پاۆلودار وبلىسىنىڭ وڭتۇستىك جارتىسىندا، قوستاناي وبلىسىنىڭ وڭتۇستىگىندە، شىعىس قازاقستان وبلىسىندا، اقمولا وبلىسىنىڭ باتىسى، وڭتۇستىگى جانە شىعىسىندا جوعارى ءورت قاۋپى ساقتالادى.

قىزىلوردا، تۇركىستان، ماڭعىستاۋ وبلىسىنىڭ سولتۇستىك- شىعىسىندا، جامبىل وبلىسىنىڭ باتىسى مەن ورتالىعىندا، قاراعاندى وبلىسىنىڭ وڭتۇستىگىندە، جەتىسۋ وبلىسىنىڭ سولتۇستىگىندە توتەنشە ءورت قاۋپى كۇتىلەدى.

اقتوبە وبلىسىنىڭ وڭتۇستىگى مەن شىعىسىندا، ۇلىتاۋ وبلىسىنىڭ باتىسى مەن وڭتۇستىگىندە 35 گرادۋسقا دەيىن ىسيدى.