بۇگىن كۇن كۇركىرەپ، وتكىنشى جاۋىن مەن بۇرشاق جاۋادى

استانا. KAZINFORM - قازگيدرومەت سينوپتيكتەرى 7-ماۋسىم، جۇماعا ارنالعان اۋا رايى بولجامىن جاريالادى.

قازاقستان تەرريتورياسىنىڭ باسىم بولىگىندە اتموسفەرالىق فرونتتارعا بايلانىستى تۇراقسىز اۋا رايى ساقتالادى.

نايزاعاي ويناپ، وتكىنشى جاڭبىر، سولتۇستىكتە بۇرشاق جاۋادى.

تەك ەلىمىزدىڭ وڭتۇستىك- باتىسىندا عانا جاۋىن شاشىن بولمايدى.

رەسپۋبليكا بويىنشا جەل كۇشەيەدى، كۇندىز وڭتۇستىك-باتىستا، وڭتۇستىكتە شاڭدى داۋىل سوعادى.

كۇندىز قىزىلوردا، ماڭعىستاۋ، اتىراۋ، اقتوبە، الماتى، جەتىسۋ وبلىستارىندا، باتىس قازاقستان وبلىسىنىڭ وڭتۇستىگىندە اپتاپ ىستىق ساقتالادى.

ماڭعىستاۋ، اتىراۋ، قىزىلوردا، تۇركىستان، جامبىل، اقتوبە، ۇلىتاۋ، باتىس قازاقستان، الماتى، جەتىسۋ، قوستاناي، قاراعاندى، اباي وبلىستارىندا جوعارى ءورت قاۋپى بار.

تۇركىستان وبلىسىنىڭ ءشولدى اۋداندارىندا، اتىراۋ وبلىسىنىڭ باتىسىندا، وڭتۇستىگىندە، سولتۇستىگىندە، باتىس قازاقستان وبلىسىنىڭ باتىسى مەن وڭتۇستىگىندە، قىزىلوردا وبلىسىنىڭ شىعىسىندا توتەنشە ءورت قاۋپى ساقتالادى.