قازگيدرومەت ەل اۋماعىندا 18-قازاندا بولاتىن قاۋىپتى مەتەورولوگيالىق قۇبىلىستارعا بولجام جاسادى، دەپ حابارلايدى Kazinform.
«ەلىمىزدىڭ باسىم بولىگىنىڭ اۋا رايىن ءالى دە كەڭ اۋقىمدى انتيسيكلون انىقتايتىن بولادى، سوعان بايلانىستى اشىق، كوبىنەسە جاۋىن- شاشىنسىز كۇن رايى ساقتالادى. تەك ەلىمىزدىڭ سولتۇستىك- باتىسىندا، تۇندە وڭتۇستىك- باتىسىندا جانە كۇندىز وڭتۇستىكتە اتموسفەرالىق فرونتالدى بولىكتەردىڭ وتۋىنە بايلانىستى جاڭبىر جاۋادى، تۇندە اقتوبە وبلىسىندا جاۋىن-شاشىن (جاڭبىر، قار) كۇتىلەدى. رەسپۋبليكا بويىنشا جەل كۇشەيەدى، تۇنگى جانە تاڭەرتەڭگى ساعاتتاردا تۇمان تۇسەدى»، - دەپ جازدى ۆەدومستۆودان.
جەتىسۋ وبلىسىنىڭ ورتالىعىندا، تاۋلى اۋداندارىندا 3 گرادۋسقا دەيىن ۇسىك كۇتىلەدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан