بۇگىن جەتى وبلىستا ۇسىك جۇرەدى - قازگيدرومەت

استانا. KAZINFORM - «قازگيدرومەت» رمك ەل اۋماعىندا 26 - مامىردا بولاتىن قاۋىپتى مەتەورولوگيالىق قۇبىلىستارعا بولجام جاسادى.

دەرەككە قاراعاندا، رەسپۋبليكانىڭ باسىم بولىگىنە اتموسفەرالىق فرونتالدى بولىمدەر اسەر ەتەدى. سوندىقتان اۋا رايىنىڭ تۇراقسىز سيپاتى كۇتىلەدى، نايزاعاي ويناپ، جاڭبىر جاۋادى، ەلدىڭ شىعىسىندا، وڭتۇستىك- شىعىسىندا قاتتى جاڭبىر جاۋۋى بولجانادى.

ورتالىقتا، شىعىستا، وڭتۇستىك-شىعىستا بۇرشاق جاۋىپ، داۋىل تۇرادى.

تەك باتىستا، سولتۇستىك-باتىستا، ەلدىڭ وڭتۇستىگىندە جاۋىن- شاشىنسىز اۋا رايى كۇتىلەدى.

رەسپۋبليكا بويىنشا جەلدىڭ كۇشەيۋى مۇمكىن، ق ر- نىڭ وڭتۇستىگىندە، وڭتۇستىك- شىعىسىندا شاڭدى داۋىل تۇرىپ، تۇنگى جانە تاڭەرتەڭگى ساعاتتاردا تۇمان تۇسەدى.

- تۇندە سولتۇستىك قازاقستان، قوستاناي وبلىستارىندا، اقتوبە وبلىسىنىڭ سولتۇستىگىندە، شىعىسىندا، اقمولا وبلىسىنىڭ باتىسىندا، سولتۇستىگىندە، شىعىسىندا، پاۆلودار، قاراعاندى وبلىستارىنىڭ باتىسىندا، سولتۇستىگىندە، ۇلىتاۋ وبلىسىنىڭ سولتۇستىگىندە 1-6 گرادۋسقا دەيىن ۇسىك جۇرەدى، - دەپ جازىلعان بولجامدا.

جەتىسۋ وبلىسىنىڭ سولتۇستىگىندە، ورتالىعىندا، ماڭعىستاۋ وبلىسىنىڭ باتىسىندا، اقتوبە وبلىسىنىڭ باتىسىندا، پاۆلودار وبلىسىنىڭ شىعىسىندا، جامبىل وبلىسىنىڭ سولتۇستىگىندە، وڭتۇستىگىندە، باتىس قازاقستان وبلىسىنىڭ شىعىسىندا، اتىراۋ وبلىسىنىڭ سولتۇستىگىندە، شىعىسىندا، تۇركىستان وبلىسىنىڭ وڭتۇستىگىندە، الماتى وبلىسىنىڭ ورتالىعىندا، اباي وبلىسىنىڭ وڭتۇستىك- شىعىسىندا جوعارى ءورت قاۋپى كۇتىلەدى.

قىزىلوردا وبلىسىندا، تۇركىستان وبلىسىنىڭ سولتۇستىگىندە، ءشولدى جانە تاۋ بوكتەرى اۋداندارىندا، جامبىل وبلىسىنىڭ باتىسىندا، شىعىسىندا، اقتوبە وبلىسىنىڭ وڭتۇستىك- شىعىسىندا، اتىراۋ وبلىسىنىڭ وڭتۇستىگىندە، باتىسىندا، الماتى وبلىسىنىڭ باتىسىندا، سولتۇستىگىندە، پاۆلودار وبلىسىنىڭ باتىسىندا، وڭتۇستىگىندە، شىعىس قازاقستان وبلىسىنىڭ وڭتۇستىك-شىعىسىندا، جەتىسۋ وبلىسىنىڭ شىعىسىندا، اباي وبلىسىنىڭ وڭتۇستىگىندە، ۇلىتاۋ وبلىسىنىڭ وڭتۇستىگىندە توتەنشە ءورت قاۋپى كۇتىلەدى.

ايتا كەتەيىك، قازاقستاننىڭ بارلىق اۋماعىندا داۋىلدى ەسكەرتۋ جاريالاندى.