بۇگىن - حالىقارالىق قار بارىسى كۇنى

استانا. KAZINFORM - وتكەن عاسىردىڭ سوڭىندا 100 گە جەتەر-جەتپەس قانا قالعان جىرتقىشتىڭ سانى بۇگىندە ەلىمىزدە 200 گە جەتتى.

قىزىل كىتاپقا ەنگەن اڭدى قورعاپ، كوبەيۋىنە جاعداي جاساۋ ءۇشىن قازاقستان مەن قىرعىزستان بىرلەسىپ جۇمىس ىستەيدى. ءتيىستى مەموراندۋمعا جاقىندا عانا قول قويىلدى.

مامانداردىڭ ايتۋىنشا، كەيىنگى 10 جىلدا بارىس سانى ايتارلىقتاي ارتقان. بۇگىندە ۇلتتىق ساياباقتار مەن قورىقتاردا 300 گە جۋىق فوتوتۇزاق ورناتىلعان. 11 جىرتقىشقا GPS- بار سپۋتنيكتىك قارعىباۋ تاعىلعان. بۇل شارا جىرتقىشتاردىڭ پوپۋلياتسياسىن ۇزدىكسىز قاداعالاۋعا مۇمكىندىك بەرەدى.

«جالپى، بۇل كۇن اتاۋلى داتالار تىزىمىنە 11 جىل بۇرىن قوسىلدى. 2013-جىلى 23-قازاندا قار بارىسىن ساقتاۋ جونىندەگى بىشكەك دەكلاراتسياسى قابىلداندى. قۇجاتقا 12 ەلدىڭ وكىلدەرى قول قويد»، - دەيدى ب ۇ ۇ- نىڭ قازاقستانداعى دامۋ باعدارلاماسىنىڭ جانۋارلار دۇنيەسىن باسقارۋ جونىندەگى ساراپشىسى ايمان وماربەكوۆا.

ايتا كەتەيىك، قىرعىزستاندا قار بارىسىن ولتىرگەندەرگە سالىناتىن ايىپپۇل 2 ميلليون سومعا دەيىن ءوستى.