بۇگىن فۋتبولدان قازاقستان كۋبوگىنىڭ 1/8 فينالى باستالادى

استانا. KAZINFORM - بۇگىن فۋتبولدان قازاقستان كۋبوگىنىڭ 1/8 فينالى باستالادى. جەڭىمپاز كوماندا ءبىر ويىننىڭ ناتيجەسى ارقىلى بەلگىلى بولادى.

جارىستىڭ اتالعان ساتىسىندا پرەمەر-ليگادا سىنعا ءتۇسىپ جاتقان 13 كوماندا ساپىنا العاشقى ەكى ىرىكتەۋ كەزەڭىنەن ىركىلمەي وتكەن 3 كلۋب قوسىلدى. ولاردىڭ قاتارىندا «وڭتۇستىك اكادەميا» (شىمكەنت)، «تاراز»، SD Family (استانا) كوماندالارى بار.

13-ساۋىردە ساعات 14.00 دە «قايسار» (قىزىلوردا) مەن «توبىل» (قوستاناي)، «اتىراۋ» مەن SD Family (استانا)، 16:00 دە «جەڭىس» (استانا) پەن «استانا»، 18:00 دە «قايرات» (الماتى) پەن «تۇران» (تۇركىستان) كوماندالارى كەزدەسەدى.

ال 14-ساۋىردە 14:00 دە «تاراز» بەن «ورداباسى» (شىمكەنت)، «وڭتۇستىك اكادەميا» (شىمكەنت) مەن «قىزىلجار» (پەتروپاۆل)، 16:00 دە «ەلىماي» (سەمەي) مەن «شاحتەر» (قاراعاندى)، «اقتوبە» مەن «جەتىسۋ» (تالدىقورعان) وينايدى.

ودان كەيىن 8-مامىردا 1/4 فينال بولسا، 1/2 فينال 29-مامىر مەن 19-ماۋسىمدا وتكىزىلەدى. فينال 29-قىركۇيەككە بەلگىلەنگەن.