بۇگىن ءتورت وبلىستا ۇسىك ءجۇرۋى مۇمكىن - قازگيدرومەت

استانا. KAZINFORM - «قازگيدرومەت» ر م ك ەل اۋماعىندا 14-ساۋىردە بولاتىن قاۋىپتى مەتەورولوگيالىق قۇبىلىستارعا بولجام جاسادى.

دەرەككە قاراعاندا، اتموسفەرالىق فرونتالدى بولىكتەر قازاقستاننىڭ باسىم بولىگىنە ءوز ىقپالىن ساقتاپ، نايزاعاي ويناپ، جاڭبىر جاۋادى.

- وڭتۇستىك- شىعىستا، تۇندە ورتالىقتا - قاتتى جاڭبىر، سولتۇستىكتە - قاتتى جاۋىن- شاشىن (جاڭبىر، قار) تۇسەدى. رەسپۋبليكانىڭ وڭتۇستىك- باتىسىندا عانا جاۋىن-شاشىنسىز اۋا رايى بولجانادى، - دەلىنگەن اقپاراتتا.

ق ر بويىنشا جەلدىڭ كۇشەيىپ، تۇمان بولادى، وڭتۇستىك- شىعىستا، شىعىستا، سولتۇستىكتە، ورتالىقتا - بۇرشاق، وڭتۇستىك- شىعىستا داۋىل كۇتىلەدى.

كۇندىز جەتىسۋ وبلىسىنىڭ الاكول اۋدانىندا 30 م/س جانە ودان اسا قاتتى جەل تۇرادى.

تۇندە اقمولا، قوستاناي، سولتۇستىك قازاقستان وبلىستارىنىڭ باتىسىندا، اقتوبە وبلىسىنىڭ سولتۇستىگىندە 3 گرادۋس ۇسىك كۇتىلەدى

ايتا كەتەيىك، قازاقستاننىڭ بىرنەشە وڭىرىندە داۋىلدى ەسكەرتۋ جاريالاندى.