بۇگىن ءبىرقاتار قالادا وقۋشىلار ساباقتى قاشىقتان وقيدى

استانا. KAZINFORM - ەلىمىزدىڭ ءبىرقاتار ايماعىندا بۇگىن، 16-اقپاندا وقۋشىلار مەكتەپكە بارمايدى.

استانا، سەمەي، قاراعاندى جانە اقتوبە قالاسىنىڭ وقۋشىلارى ايازعا بايلانىستى قاشىقتان وقىتۋ فورماتىنا اۋىستىرىلدى.

«16-اقپان كۇنى اۋا رايىنىڭ قولايسىزدىعىنا بايلانىستى 1-اۋىسىمدا وقيتىن 0-11-سىنىپ وقۋشىلارى جانە كوللەدج ستۋدەنتتەرى ءۇشىن ساباق قاشىقتىقتان وقىتۋ فورماتىنا اۋىستىرىلادى»، - دەلىنگەن استانانىڭ ءبىلىم باسقارماسى تاراتقان حابارلامادا.

وسىنداي بۇيرىققا سەمەيدىڭ ءبىلىم ۆەدومستۆوسى دا قول قويدى. اقتوبە جانە قاراعاندى وبلىستارىندا دا ەكى اۋىسىمدا دا وقۋ قاشىقتان وقىتۋعا اۋىستىرىلدى.