بۇگىن استانا قالاسىندا قازاق كۇرەسىنەن رەسپۋبليكالىق تۋرنير وتەدى
10:43, 17 - جەلتوقسان 2023
بۇگىن ەلوردادا قازاق كۇرەسىنەن وتەتىن رەسپۋبليكالىق باسەكە «دالا قىراندارى» دەپ اتالادى. بۇل تۋرالى Kazinform سپورت قورىنا سىلتەمە جاساپ حابارلايدى.
جارىستىڭ وتەتىن كۇنى – 17-جەلتوقسان. وتەتىن ورنى - جاقسىلىق ۇشكەمپىروۆ اتىنداعى جەكپە-جەك سارايى. ويىن بارىسىن تاماشالاۋعا تەگىن كىرۋگە بولادى.
«تۋرنيردە جىل بويى رەيتينگتىك جارىستاردا 8 سالماقتا جوعارى ۇپاي جيناعان 64 بالۋان سىنعا تۇسەدى. ولاردىڭ قاتارىندا بەكجان تولەپوۆ، مارات نيگماتۋللايەۆ، بەكەت ءجۇنىس، ەرجان ەرەنقايىپوۆ جانە جۇماجان قوجامبەكوۆ سىندى الەم جانە ازيا چەمپيوناتتارىنىڭ، الەم كۋبوگىنىڭ، دۇنيەجۇزىلىك كوشپەندىلەر ويىندارىنىڭ جەڭىمپاز- جۇلدەگەرلەرى بار»، - دەلىنگەن حابارلامادا.