استانانى رەسمي كوشىرۋ 1997 -جىلعى 10-جەلتوقساندا جۇزەگە استى. قازاقستاننىڭ سول كەزدەگى پرەزيدەنتى نۇرسۇلتان نازاربايەۆتىڭ 1998 -جىلعى 6-مامىرداعى جارلىعىمەن اقمولانىڭ اتاۋى استانا بولىپ وزگەرتىلدى.
جاڭا استانانىڭ حالىقارالىق تۇساۋكەسەرى 1998 -جىلعى 10-ماۋسىمدا ءوتتى. دەرەكتەرگە سۇيەنسەك، ەلوردانى اۋىستىرۋ تۋرالى شەشىم قابىلدانعان كەزدە، استانا حالقىنىڭ سانى 290 مىڭداي عانا بولعان ەكەن. 2024 -جىلعى 1-مامىرعا قالا حالقىنىڭ سانى 14581000 ادامدى قۇرادى. حالىقتىڭ تابيعي ءوسىمى 2024 -جىلعى قاڭتار- ساۋىردە 7556 ادامعا جەتكەن. ال بيىل قاڭتار- ساۋىردە ەلوردادا 9441 ءسابي دۇنيە ەسىگىن اشقان.
2019 -جىلى 23-ناۋرىزدا استانا قالاسىنىڭ اتاۋى نۇر-سۇلتان بولىپ وزگەردى. اراعا ەكى جىل سالىپ، 2022 -جىلعى 17-قىركۇيەكتە مەملەكەت باسشىسى قاسىم-جومارت توقايەۆتىڭ جارلىعىمەن ەلورداعا «استانا» اتاۋى قايتا بەرىلدى.
«استانا كۇنى» جىل سايىن مەملەكەتتىك دەڭگەيدە كەڭىنەن اتالىپ وتەدى. بيىل دا ەلوردا اكىمدىگى قالا كۇنىنە وراي 100 گە جۋىق ءىس-شارا ۇيىمداستىرىپ وتىر.
5-7-شىلدە ارالىعىندا ەلوردادا «ەۋرازيا تەاترى» حالىقارالىق كوشە تەاترلارىنىڭ فەستيۆالى وتۋدە. ءىس- شاراعا ەستونيالىق، پولشالىق، رەسەيلىك جانە قازاقستاندىق تەاتر ۇجىمدارى مەن ارتىستەر قاتىسادى.
6-شىلدەدە ساعات 11:00- دە حالىقارالىق كوشە تەاترلارى فەستيۆالىنە قاتىسۋشىلاردىڭ شەرۋى وتەدى. ول قالا الاڭىنان باستالىپ، ورتالىق ساياباققا دەيىن جالعاسادى.
7-شىلدەدە ساعات 14:00-دەن باستاپ ورتالىق ساياباقتا فەستيۆال قاتىسۋشىلارىنىڭ تەاترلاندىرىلعان قويىلىمدارى وتەدى. ساعات 17:00-دە فەستيۆال اياقتالادى.
6-شىلدە كۇنى ساعات 20:00-دە امفيتەاتردا ە. راحمادييەۆ اتىنداعى مەملەكەتتىك اكادەميالىق فيلارمونيا ارتىستەرىنىڭ قاتىسۋىمەن «استانا - ارمان قالا» مەرەكەلىك كونتسەرتى وتەدى. ءىس-شاراعا بەلگىلى ونەر قايراتكەرلەرى مەن ەسترادا جۇلدىزدارى مايرا ءىلياسوۆا، قانات جانە سۆەتا ايتبايەۆتار، ارايلىم راحيم قىزى، گۇلنۇر ورازىمبەتوۆا، زارينا وماروۆا، مۇراتبەك حايرولدا، فاريدا جولداسوۆا، اكىمحان ماجەنوۆ، التىنشاش مۇقاتايەۆا، سونداي-اق DJ Dake جانە «ALEM» زاماناۋي بي بالەتى قاتىسادى.
6-شىلدە كۇنى ساعات 11:00- دە جانە ساعات 15:00-دە قالا شەتىندەگى تۇرعىن الاپتاردا ەلوردا تۇرعىندارى مەن قوناقتارىنا ارنالعان «استانا - جۇرەگىم» كونسەرتى وتەدى. مەرەكەلىك ءىس-شارادا ءمادي قادىروۆ، گۇلنۇر ورازىمبەتوۆا، دوسىمجان تاڭاتاروۆ، مەدەت جانە كلارا سالىقوۆتار، باۋىرجان يسايەۆ جانە قازاقستاندىق ەسترادانىڭ باسقا دا جۇلدىزدارى ونەر كورسەتەدى.
6، 7 جانە 8-شىلدەدە ساعات 12:00- دەن باستاپ قالا قوناقتارى مەن تۇرعىندارى ءۇشىن ورتالىق ساياباقتا «Mereke stree» جازعى جوباسى جۇمىس ىستەيدى. بۇل - شەبەرلىك سىنىپتارى مەن اشىق اسپان استىنداعى كينوتەاترى بار بارلىق جاستاعى ازاماتتارعا ارنالعان وتباسىلىق دەمالىس فەستيۆالى.
6-شىلدەدە ساعات 18:00-دە ەكسپو الاڭىندا OPEN AIR اشىق اسپان استىنداعى مەرەكەلىك كونسەرت وتەدى. ءىس-شارادا وتاندىق ەسترادا جۇلدىزدارى Ninety one ،Orda ،Raim ،Sadraddin ،Kalifarniya ،Nazima ،Alpha ،T’Oi ،Imzi، قۇرماش ماحان، Jazzdauren جانە باسقا دا ارتىستەر ونەر كورسەتەدى. كونسەرت اياقتالعاننان كەيىن شامامەن ساعات 22:15-تە (22:30) «ASPAN» درون-شوۋى جوسپارلانىپ وتىر.
اۆتور
داۋلەت ىزتىلەۋ