بۇگىن 25-قاراشادا ەلىمىزدەگى قاي جولدار اشىق، قايسىسى جابىق

الماتى. قازاقپارات – 25-قاراشادا ەلىمىزدىڭ كەي وڭىرلەرىندە اۋا رايىنىڭ جاقسارۋىنا بايلانىستى جولدار قايتا اشىلا باستاعانىمەن، كەي وبلىستارداعى ءبىرقاتار باعىتتا قوزعالىس ءالى دە شەكتەلىپ وتىر.

ۇلتتىق كومپانيانىڭ مالىمەتىنشە، 25-قاراشا كۇنى ساعات 07:00-دە رەسپۋبليكالىق ماڭىزى بار كەلەسى اۆتوجولداردا شەكتەۋ الىنىپ، بارلىق كولىك تۇرىنە قوزعالىس اشىلدى.

اباي وبلىسى

• KAZ08 «الماتى - تالدىقورعان - وسكەمەن - شەمونايحا – ر ف شەكاراسى» اۆتوجولى (سارقان، اياگوز اينالما جولى جانە مۇقرى اسۋىنا دەيىن)، 683-1013-شاقىرىم، (تاسكەسكەننەن شىعىس قازاقستان وبلىسى شەكاراسىنا دەيىن)؛

• KAZ07 «ق ح ر شەكاراسى - مايقاپشاعاي - زايسان - قالباتاۋ - سەمەي - پاۆلودار - ر ف شەكاراسى» اۆتوجولى، 756-1103-شاقىرىم، (سەمەي قالاسىنان شىعىس قازاقستان وبلىسى شەكاراسىنا دەيىن)؛

• KAZ15 «قاراعاندى - اياگوز - تارباعاتاي - بوعاس» اۆتوجولى، 707-941-شاقىرىم، (اياگوز قالاسىنان بوعاس اۋىلىنا دەيىن).

شىعىس قازاقستان وبلىسى

• KAZ07 «ق ح ر شەكاراسى - مايقاپشاعاي - زايسان اينالۋى - قالباتاۋ - سەمەي - پاۆلودار – ر ف شەكاراسى» اۆتوجولىنىڭ 1103-1256-شاقىرىم ارالىعى (اباي وبلىسى شەكاراسىنان زايسان قالاسىنا دەيىن)؛

• KAZ08 «الماتى - تالدىقورعان - وسكەمەن - شەمونايحا – ر ف شەكاراسى» اۆتوجولىنىڭ 1013-1048-شاقىرىم ارالىعى (ۋلانسكوە اۋىلىنان اباي وبلىسى شەكاراسىنا دەيىن).

ال ءۇش وبلىستاعى جولداردا قوزعالىس بويىنشا شەكتەۋ ءالى دە بار.

پاۆلودار وبلىسى

«استانا - شىدەرتى - پاۆلودار - ۋسپەنكا – ر ف شەكاراسى» اۆتوجولىندا (قالقامان ەلدى مەكەنىنە كىرەبەرىس پەن استاناعا شىعاتىن باعىت) كولىكتىڭ بارلىق ءتۇرى ءۇشىن قوزعالىسقا ۋاقىتشا شەكتەۋ ەنگىزىلدى.

قالقامان ەلدى مەكەنىنەن استاناعا قوزعالىس بەرەكە «قالقامان - اقسۋ» كولىك ايرىعى ارقىلى (ۇزاقتىعى 6 شاقىرىم) جانە پاۆلودار قالاسىنان قالقامان ەلدى مەكەنىنە قوزعالىس «باياناۋىل» كولىك ايرىعى ارقىلى جۇزەگە اسىرىلادى.

سولتۇستىك قازاقستان وبلىسى

«تيميريازيەۆ - سارىكول - وبلىس شەكاراسى» اۆتوجولىنىڭ 0-30-شاقىرىمىندا (قوستاناي وبلىسى شەكاراسى - تيميريازيەۆ اۋىلى) كولىكتىڭ بارلىق ءتۇرى ءۇشىن شەكتەۋ بار.

شىعىس قازاقستان وبلىسى

تىركەمەسى بار جانە جارتىلاي تىركەمەلى جۇك كولىكتەرىنىڭ قوزعالىسى وسينوۆ اسۋىندا ۋاقىتشا شەكتەلدى. شەكتەۋ «وسكەمەن - التاي - كاتونقاراعاي - راحمان قاينارى» اۆتوجولىنىڭ 46-66-شاقىرىمىنداعى (سيەۆەرنوە اۋىلى - سەرەبريانسك قالاسى) ۋچاسكەسىندە ساقتالادى.