بۇگىن 1-قىركۇيەك -ءبىلىم كۇنى
استانا. KAZINFORM - ەلىمىزدىڭ بارلىق وڭىرىندە ءبىلىم بەرۋ ۇيىمدارى ءوز ەسىگىن ايقارا اشتى. مەملەكەت ءبىلىم ساپاسىن ارتتىرۋ، بالالاردىڭ ءبىلىم الۋى ءۇشىن جايلى ورتا قالىپتاستىرۋ باعىتىندا جۇيەلى جۇمىستار جۇرگىزىپ جاتىر، دەپ حابارلايدى وقۋ-اعارتۋ مينيسترلىگى.
وسى قىركۇيەك ايىنان باستاپ مەكتەپكە دەيىنگى ۇيىمداردا اتا-انالارعا ارنالعان 3,5 مىڭ كەڭەس بەرۋ پۋنكتى ءوز جۇمىسىن باستايدى. كوللەدجدەردە وقيتىن 300 مىڭنان استام ستۋدەنتتىڭ شاكىرتاقىسى P- عا ارتتى. 1,7 ميلليون وقۋشى مەكتەپتەردە تەگىن تاماقتانۋمەن قامتىلادى.
87 مىڭ قازاقستاندىق وقۋشى وقۋ جىلىن جاڭا مەكتەپتەردە قارسى الىپ جاتىر. جالپى 2024-2025 وقۋ جىلى 536 مىڭ وقۋشى ورنىنا ارنالعان 302 مەكتەپ پايدالانۋعا بەرىلەدى دەپ جوسپارلانىپ وتىر.
وقۋ باعدارلاماسىنا بۋللينگكە قارسى ءىس-شارالاردىڭ ءبىرى - «قاۋىپسىزدىك ساباعى» ەنگىزىلىپ جاتىر. مۇنىڭ بارلىعى وتاندىق ءبىلىمنىڭ ساپاسىن ارتتىرۋعا، بالالار ءۇشىن جايلى ءارى قاۋىپسىز ورتا قۇرۋعا باعىتتالعان.
بۇعان دەيىن جاڭا وقۋ جىلىندا قانداي وزگەرىستەر بولىپ جاتقانىن جازعان بولاتىنبىز.
اۆتور
ەلميرا ورالبايەۆا