بىلتىر قازاقستانعا قانشا قانداس كوشىپ كەلدى

استانا. قازاقپارات - 2025 -جىلى قازاقستانعا 6843 ادام كوشىپ كەلگەن، ونىڭ 2234 ى - قانداس، قالعانى - قونىس اۋدارۋشىلار.

ق ر ەڭبەك جانە حالىقتى الەۋمەتتىك قورعاۋ مينيسترلىگى Kazinform اگەنتتىگىنىڭ رەسمي ساۋالىنا جولداعان جاۋابىنداعى دەرەككە ساي، بۇل تىزىمدە سولتۇستىك وڭىرلەر كوش باستاپ تۇر. اتاپ ايتقاندا:

- پاۆلودار وبلىسىنا - 2190 ادام،

- سولتۇستىك قازاقستان وبلىسىنا - 2176 ادام،

- شىعىس قازاقستان وبلىسىنا - 774 ادام،

- قوستاناي وبلىسىنا - 651 ادام،

- اباي وبلىسىنا - 508 ادام،

- اقمولا وبلىسىنا - 300 ادام،

- اتىراۋ وبلىسىنا - 103 ادام،

- ۇلىتاۋ وبلىسىنا - 103 ادام،

- قاراعاندى وبلىسىنا - 38 ادام قونىس اۋدارعان.

كوشىپ كەلۋشى ادامدار مىنا ەلدەردەن كەلگەن:

* قىتايدان - 853

* وزبەكستاننان - 720

* موڭعوليادان - 459

* رەسەيدەن - 103

* تۇرىكمەنستاننان - 64

* باسقا ەلدەردەن - 35 ادام.

مينيسترلىك اتاپ وتكەندەي، قابىلدانىپ جاتقان شارالاردىڭ ناتيجەسىندە قونىستانۋ وڭىرلەرىندەگى كوشى-قوننىڭ تەرىس سالدوسى 2019 -جىلمەن سالىستىرعاندا 6 عا تومەندەدى. بۇل شارالار قونىس اۋدارۋشىلار مەن قانداستارعا ارنالعان الەۋمەتتىك جانە تۇرعىن ءۇي قولداۋىن جاقسارتۋعا مۇمكىندىك بەرەدى.

ايتا كەتەيىك، 2025 -جىلى Migration.enbek.kz پورتالى ارقىلى قازاقستانعا كوشۋ بويىنشا 18639 ءوتىنىش وڭدەلدى.