بىلتىر ەلىمىز 2 ميلليارد دوللارعا حيميا ونىمدەرىن ەكسپورتتادى
استانا. KAZINFORM - وتكەن جىلدىڭ قورىتىندىسى بويىنشا حيميا ونەركاسىبىندە ءوندىرىس كولەمى %7,7 ۇلعايسا، مۇناي- گاز حيمياسىندا ءوسىم %50 جوعارى بولدى. تولىعىراق ۇكىمەت باسشىسى ولجاس بەكتەنوۆ ايتىپ بەردى.
- مەملەكەت باسشىسى ەكونوميكانى ءارتاراپتاندىرۋ جانە ونىڭ باسەكەگە قابىلەتتىلىگىن ارتتىرۋ ءۇشىن حيميا، مۇناي حيمياسى سالالارىن دامىتۋدىڭ ستراتەگيالىق ماڭىزىن اتاپ كورسەتتى. حيميا ونەركاسىبى اۋىل شارۋاشىلىعى، تاۋ-كەن ونەركاسىبى، مەتاللۋرگيا جانە قۇرىلىس سياقتى باسقا دا سالالاردىڭ دامۋىن قامتاماسىز ەتەدى. وتكەن جىلدىڭ قورىتىندىسى بويىنشا حيميا ونەركاسىبىندە ءوندىرىس كولەمى %7,7 ۇلعايسا، مۇناي-گاز حيمياسىندا ءوسىم P جوعارى بولدى. حيميا ونىمدەرىنىڭ ەكسپورتى 2 ميلليارد دوللاردان استى، بۇل كورسەتكىش 2023 -جىلمەن سالىستىرعاندا ارتىق، - دەدى ولجاس بەكتەنوۆ ۇكىمەت وتىرىسىندا.
پرەمەر-مينيستر كەلتىرگەن مالىمەتكە سايكەس، بيىل 1- توقساندا اتالعان سالادا وڭ ديناميكا ساقتالىپ وتىر، ياعني حيميا سالاسى ,5 ءوستى.
- ەلىمىزدە حيميا جانە مۇناي- گاز حيمياسى سەكتورىندا 12 ءىرى كاسىپورىن جۇمىس ىستەپ تۇر. ولار مينەرالدى تىڭايتقىشتار، بەيورگانيكالىق جانە ورگانيكالىق حيميالىق زاتتارمەن قاتار اۋقىمدى ءونىم سپەكترىن شىعارادى. اتىراۋ وبلىسىندا جۇمىس ىستەپ تۇرعان پوليپروپيلەن زاۋىتى ورتالىق ازيادا وسى باعىتتاعى ەڭ ءىرى كاسىپورىن. بىلتىر جوبانىڭ II كەزەڭى، ياعني پوليەتيلەن ءوندىرىسى زاۋىتىنىڭ قۇرىلىسى باستالدى، بۇل وتاندىق وڭدەۋ ونەركاسىبىندەگى ەڭ اۋقىمدى جوبا. ول يمپورتتىق ونىمدەردى تولىق الماستىرىپ، قوسىلعان قۇنى جوعارى ەكسپورتتىڭ ءوسۋىن قامتاماسىز ەتۋى كەرەك. زاۋىتتىڭ ەل ەكونوميكاسىنا تيگىزەتىن مۋلتيپليكاتيۆتىك اسەرى زور بولۋى ءتيىس، - دەيدى ول.
سونداي-اق ۇكىمەت باسشىسى جامبىل وبلىسىندا ناتريي سيانيدى مەن اممونيي سۋلفاتى ءوندىرىسىن كەڭەيتۋ جوسپارى بارىن ايتتى.
- ودان بولەك، بۋتاديەن، كارباميد، پوليەتيلەنتەرەفتالات ءوندىرىسى بويىنشا پەرسپەكتيۆالى جوبالار ىسكە اسىرىلىپ جاتىر. بۇل جوبالار قوسىلعان قۇن تىزبەگىن قۇرۋعا ۇلكەن ۇلەس قوسادى، - دەپ تولىقتىردى ولجاس بەكتەنوۆ.
سونداي-اق پرەمەر- مينيستر پوليپروپيلەن ءوندىرىسىنىڭ جوسپاردان تىس توقتاپ قالۋى الاڭداۋشىلىق تانىتتى.
اۆتور
داۋلەت ىزتىلەۋ