بەيجىڭدە قازاقستان كينوسىنىڭ اپتالىعى ءوتىپ جاتىر
بەيجىڭدەگى قازاقستاندىق كينو اپتالىعىن «پاتريوتتار ۋاقىتى» كوركەم فيلمى اشتى، دەپ حابارلايدى Kazinform اگەنتتىگىنىڭ ءتىلشىسى.
كورسەتىلىم 2-5-قاراشا ارالىعىندا وتەدى، وسى كۇندەرى قىتاي كينو ارحيۆى جانىنداعى كينوتەاتر ەكراندارىندا التى فيلم: «توميريس»، «ءبىرجان سال»، «شال»، «وبۋچەنيە ادەموكي»، «كومپوزيتور»، «پاتريوتتار ۋاقىتى» جانە ءبىر «مۇزبالاق» مۋلتفيلمى كورسەتىلەدى.
قۇتتىقتاۋ سوزىندە قازاقستان رەسپۋبليكاسىنىڭ ق ح ر-داعى ەلشىسى شاحرات نۇرىشيەۆ قازاقستاندىق كينو اپتالىعىنىڭ اشىلۋى قازاقستان رەسپۋبليكاسىنىڭ شانحاي ىنتىماقتاستىق ۇيىمىنا (ش ى ۇ) ءتوراعالىعى اياسىندا ءوتىپ جاتقانىن ايتتى.
ش. نۇرىشەۆتىڭ ايتۋىنشا، قازاقستان رەسپۋبليكاسىنىڭ ق ح ر- داعى ەلشىلىگىنىڭ، ش ى ۇ حاتشىلىعىنىڭ جانە ش ى ۇ تاتۋ كورشىلىك، دوستىق جانە ىنتىماقتاستىق كوميتەتىنىڭ قازاقستاننىڭ 2023-2024 -جىلدارى ۇيىمعا ءتوراعالىق ەتۋ كەزەڭىنە ارنالعان بىرلەسكەن ءىس-شارالار جوسپارىنا سايكەس ش ى ۇ-نىڭ ودان ءارى دامۋىنا جاڭا سەرپىن قوسقان بارلىعى 25 ءىس-شارا وتكىزىلدى.
اعىمداعى جىلدىڭ قىركۇيەك ايىندا بەيجىڭدەگى ش ى ۇ شتاب- پاتەرىندە قازاقستاننىڭ مادەنيەت كۇنى ءساتتى ءوتتى.
«بۇگىن ءبىز تاعى ءبىر ماڭىزدى شارا - قازاقستاندىق كينو اپتالىعىنىڭ اشىلۋىن وتكىزىپ وتىرمىز»، - دەپ اتاپ ءوتتى ول.
اپتالىقتىڭ اشىلۋىندا ءسوز سويلەگەن ش ى ۇ باس حاتشىسى جان ميننىڭ حابارلاۋىنشا، بيىلعى جىلدىڭ شىلدە ايىندا قازاقستان شانحاي ىنتىماقتاستىق ۇيىمىنا ءتوراعالىق ەتۋدى قولعا العانىن ايتتى. ول بۇگىنگى شارا قازاقستاننىڭ ش ى ۇ-عا ءتوراعالىق ەتۋ كەزەڭىندەگى ەڭ جارقىن مادەني وقيعالاردىڭ ءبىرى ەكەنىن اتاپ ءوتتى.
«ۇيىمنىڭ دامۋىمەن ش ى ۇ كينوفەستيۆالدەرىن وتكىزۋ مادەني الماسۋ اياسىندا داستۇرگە اينالدى. بۇل ءىس- شارالار مادەنيەت سالاسىنداعى ىنتىماقتاستىقتى تەرەڭدەتۋ ءۇشىن ءتيىمدى الاڭدارعا اينالا وتىرىپ، مۇشە مەملەكەتتەر تاراپىنان كەڭ قولداۋعا يە بولۋدا. ولار سونداي-اق ەلدەرىمىزدىڭ كينەماتوگرافيالارى اراسىنداعى ءوزارا تۇسىنىستىك پەن ءوزارا ءتيىمدى ىنتىماقتاستىقتى نىعايتۋعا جانە ش ى ۇ- نىڭ مادەني كۇن ءتارتىبىن بايىتۋعا ماڭىزدى ۇلەس قوسىپ وتىر»، - دەدى باس حاتشى.
بەيجىڭدەگى وتاندىق كينونى قازاقستاننىڭ مادەنيەت قايراتكەرلەرى جەكە تانىستىرادى.
ش. ايمانوۆ اتىنداعى «قازاق فيلم» كينوستۋدياسىنىڭ پرەزيدەنتى ازامات ساتىبالدىنىڭ ايتۋىنشا، قازاقستاندىق كينو اپتالىعى اياسىندا قىتايلىق كورەرمەن نازارىنا رەجيسسەر دوسحان جولجاقسىنوۆتىڭ «ءبىرجان سال»، رەجيسسەرى ەرمەك تۇرسىنوۆتىڭ «شال»، رەجيسسەر ءادىلحان ەرجانوۆتىڭ «وبۋچەنيە ادەموكي»، رەجيسسەر اقان ساتايەۆتىڭ «توميريس»، تۇردىبەك مايدان مەن تىلەك تولەۋعازىنىڭ «مۇزبالاق»، رەجيسسەر سەرىكبول وتەپبەرگەننىڭ «پاتريوتتار زامانى» تۋىندىلارى ۇسىنىلادى.
قازاق كينوسى اپتالىعى اياسىندا «ت. جۇرگەنوۆ اتىنداعى قازاق ۇلتتىق ونەر اكادەمياسى مەن قىتاي كوممۋنيكاتسيا ۋنيۆەرسيتەتى اراسىنداعى ىنتىماقتاستىق تۋرالى مەموراندۋمعا» جانە «قازاق فيلم» ا ق مەن قىتاي مەدياكورپوراتسيالارىنىڭ ءبىرى اراسىندا «فيلمدەر مەن انيماتسيالاردى بىرلەسىپ ءتۇسىرۋ تۋرالى نيەت تۋرالى مەموراندۋمعا» قول قويىلدى.
قازاقستاندىق فيلمدەر كورسەتىلىمىن قىتايدىڭ باسقا قالالارىندا دا ۇيىمداستىرۋ جوسپارلانىپ وتىر.
شارانىڭ اشىلۋ سالتاناتىنا ق ح ر مادەنيەت جانە تۋريزم مينيسترلىگى، ق ح ر سىرتقى ىستەر مينيسترلىگى، ق ح ر كينەماتوگرافيا ىستەرى جونىندەگى مەيلەكەتتىك باسقارما وكىلدەرى، شانحاي ىنتىماقتاستىق ۇيىمىنىڭ باس حاتشىسى، ش ى ۇ-عا مۇشە مەملەكەتتەردىڭ ەلشىلەرى، بايقاۋشىلار مەن ديالوگ بويىنشا سەرىكتەستەر، سونداي- اق بەيجىڭدە تىركەلگەن ديپلوماتيالىق كورپۋس وكىلدەرى قاتىستى.