بەيجىڭدە استانانىڭ تۋريستىك الەۋەتى تانىستىرىلادى

استانا. KAZINFORM - بەيجىڭدە 18- قازاندا قىتايدا قازاقستان تۋريزم جىلى اياسىندا قازاقستاندىق تۋريستىك كومپانيالاردىڭ «استانا- بەيجىڭ 2024» روۋد-شوۋى وتەدى.

روۋد-شوۋعا قازاقستاندىق تۋريستىك وپەراتورلار، اگەنتتىكتەر مەن قوناقۇي بيزنەسىنىڭ وكىلدەرى قاتىسادى، بۇل قازاقستان مەن قىتايدىڭ تۋريستىك نارىقتارىنىڭ وكىلدەرى اراسىندا ىنتىماقتاستىقتى نىعايتىپ، جاڭا ىسكەرلىك بايلانىستاردى ورناتۋعا مۇمكىندىك بەرەدى.

شارانىڭ ۇيىمداستىرۋشىلارى - استانا قالاسىنىڭ اكىمدىگى، قازاقستان رەسپۋبليكاسىنىڭ ق ح ر-داعى ەلشىلىگى، Visit Astana برەندىمەن قىزمەت ەتەتىن استانا دامۋ ورتالىعى.

ءىس-شارا باعدارلاماسىنا روۋد-شوۋلار، B2B كەزدەسۋلەرى كىرەدى، ولار تۋريزم سالاسىنداعى ىنتىماقتاستىق پەرسپەكتيۆالارىن تالقىلاۋ جانە قىتاي نارىعىندا قازاقستاندىق تۋريزمدى ىلگەرىلەتۋگە باعىتتالعان.

ەسكە سالا كەتسەك، 1-7 -قازان ارالىعىندا جالعاسقان «التىن اپتا» كەزىندە قىتايلىق تۋريستەر 100 ميلليارد دوللارعا جۋىق قارجى جۇمساعان. بەيجىڭ «التىن اپتا» كەزىندە تۋريستەر سانى مەن كىرىس بويىنشا رەكورد جاڭارتتى. قىتاي استاناسىنا شامامەن 21,6 ميلليون تۋريست كەلدى، ال قالانىڭ تۋريزمنەن تۇسكەن كىرىسى شامامەن 3,8 ميلليارد دوللاردى قۇرادى.

2024 -جىل قىتايدا قازاقستان تۋريزم جىلى، ال كەلەسى جىل قازاقستاندا قىتاي تۋريزم جىلى بولىپ جاريالاندى.

اۆتور

زارينا تۋعانبايەۆا