استانا. KAZINFORM - كولىك مينيسترلىگى ازاماتتىق اۆياتسيا كوميتەتىنىڭ مالىمەتىنشە، بيىل 27-ساۋىردەن باستاپ China Southern Airlines اۋە كومپانياسى الماتى-بەيجىڭ اۋە باعىتى بويىنشا رەيستەر سانىن اپتاسىنا 3 تەن 7 گە دەيىن ۇلعايتقان. وسىلايشا، اۋە كومپانياسى وسى باعىت بويىنشا رەيستەردى كۇندەلىكتى نەگىزدە ورىندايتىن بولادى.
رەيستەر سىيىمدىلىعى 152-200 ورىندىق «ەيرباس- ا320/ا321» ءتيپتى اۋە كەمەلەرىندە ورىندالادى.
ايتا كەتسەك، 2023-جىلعى 10-قاراشادان باستاپ قازاقستان مەن قىتاي حالىق رەسپۋبليكاسى اراسىندا ءوزارا ۆيزاسىز رەجيم جۇمىس ىستەيدى. بۇل ەكى ەل اراسىنداعى كەدەرگىسىز ساياحاتقا ىقپال ەتەدى.
رەيستەر سانىنىڭ ارتۋى ەكى ەل اراسىنداعى ساۋدا-ەكونوميكالىق، ىسكەرلىك جانە تۋريستىك ىنتىماقتاستىقتى ودان ءارى دامىتۋعا سەپتىگىن تيگىزەدى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.