بەيجىڭ جازبالارى. ۇن، ماي... جانە شىمكەنت سىراسى
قىتاي استاناسى بەيجىڭ قالاسىنا جولىمىز تۇسكەن ءبىر ساپاردا قىتاي مادەنيەتىنىڭ بىزگە بەيمالىم تۇستارى جايلى جازۋعا تىرىستىق.
قازىر شيانداعى ونلاين- پلاتفورما قازاقستاننىڭ ۇنى، نان ونىمدەرى، سۇيىق مايدىڭ نەشە اتاسى، «قازاقستان» شوكولادى سەكىلدى زاتتارعا تولى. ءتىپتى شىمكەنتتىڭ سىراسى دا سورەدە سىقاپ تۇر. ونلاين پلاتفورما ارقىلى قازاقستان تاۋارلارىنىڭ 40-قا جۋىق ءتۇرى تۇتىنۋشىعا قولجەتىمدى. ال كاسىپكەرلەر ءبىزدىڭ اۋىلشارۋاشلىق ونىمدەرىنىڭ ساپاسى جوعارى ەكەنىن ايتادى.
قازىرگى جاسالىپ جاتقان لوگيستيكالىق ورتالىقتار ەكى ەلدىڭ ساۋداسىن بارىنشا قىزدىراتىن بولماق. ويتكەنى مۇندا دا استىق ساقتايتىن تەرمينالدار، ماي وندىرەتىن زاۋىتتار سالىنعان. جالپى 1,5 ميلليارد تۇرعىنى بار قىتاي نارىعى ساپالى ونىمگە قۇشتار. كاسىپكەرلەر ءبىزدىڭ ونىمدەر تەك قىتايمەن شەكتەلىپ قالمايتىنىن ايتادى. جىبەك جولىنىڭ قايتا جاڭعىرۋى - قۇرعاق پورتتان بولەك تەڭىز جولى ارقىلى دا وزگە ەلدەرگە ساتۋعا مۇمكىندىك بەرەدى. سول سەبەپتى قىتاي كاسىپكەرلەرى ساپالى تاۋاردىڭ قاندايى بولسا دا الۋعا نيەتتى. ءبىر عانا مىسال ساۋمال مەن تۇيەنىڭ قۇرعاق ءسۇتى قىمبات بولسا دا مۇندا كوپ تۇرمايدى. تەز ساتىلادى.
جالپى وسى ونلاين- پلاتفورمادا 50 ەل 100-گە جۋىق ۇلتتىق پاۆيلوندارىن اشقان. ونىڭ ىشىندە قازاقستان دا بار. قىتاي ءىرى مەملەكەت بولعانىمەن «كورشى ەلدەردىڭ دە دامىعانى، ول جاقتاعى حالىقتىڭ دا تۇرمىسى ءتاۋىر بولعانى دۇرىس» دەگەن پىكىردە. ويتكەنى «كورشى دامىسا، ءبىز دە دامي تۇسەمىز، كورشىڭ جاقسى بولسا، سەن دە جاقسىسىڭ» دەگەندى ايتادى.
ارمان امەن، «حابار-24» ارناسىنىڭ رەداكتورى (جالعاسى بار)
www.24.kz