بيلىك مالىمەتىنە سايكەس، 2025-جىلدىڭ سوڭىندا بەيجىڭدە تۇراقتى تۇراتىن 60 جاستان اسقان تۇرعىندار سانى 5,288 ميلليونعا جەتىپ، قالا حالقىنىڭ 24,3 پايىزىن قۇراعان.
دەموگرافيالىق وزگەرىستەرگە بايلانىستى بەيجىڭ بيلىگى الەۋمەتتىك جانە مەديتسينالىق ينفراقۇرىلىمدى جاڭعىرتۋدى جەدەلدەتىپ جاتىر. جىل باسىندا قارتتارعا كۇتىم كورسەتۋ تۋرالى ەرەجە كۇشىنە ەنىپ، الەۋمەتتىك قىزمەت كورسەتۋدىڭ ءۇش دەڭگەيلى جۇيەسىن قالىپتاستىرۋ بەكىتىلدى.
قازىرگى تاڭدا بەيجىڭدە قارتتارعا كۇتىم كورسەتەتىن 620 مەكەمە، 168 اۋداندىق ورتالىق جانە 1500 دەن استام جەرگىلىكتى قىزمەت كورسەتۋ ورنى جۇمىس ىستەيدى. ولاردىڭ جالپى سىيىمدىلىعى 155 مىڭ ادامدى قامتيدى.
قارتتارعا قىزمەت كورسەتۋدى قولجەتىمدى ەتۋ ءۇشىن بەيجىڭدە كومەك كورسەتۋ جانە تاماقتاندىرۋعا ارنالعان 3 مىڭعا جۋىق ارنايى ورتالىق اشىلعان. ولار قالا مەن اۋىلدىق ەلدى مەكەندەردىڭ 90 پايىزىندا جۇمىس ىستەيدى. الداعى ءۇش جىلدا بيلىك ۇيدە كاسىبي كۇتىم كورسەتۋگە ارنالعان 30 مىڭ ورىندى جابدىقتاۋدى جوسپارلاپ وتىر.
2026-2030-جىلدارعا ارنالعان 15 بەسجىلدىق جوسپارى اياسىندا قارتتارعا ارنالعان 60 مىڭ ورىنعا سۋبسيديا ءبولۋ، مەيىرگەرلىك كۇتىم كورسەتىلەتىن ورىنداردىڭ ۇلەسىن 73 پايىزعا دەيىن ارتتىرۋ جانە دەمەنتسياعا شالدىققان ناۋقاستارعا ارنالعان ارنايى بولىمدەر اشۋ كوزدەلگەن. 2030-جىلعا قاراي ەكىنشى جانە ودان جوعارى دەڭگەيدەگى قالالىق اۋرۋحانالاردىڭ 95 پايىزدان استامىندا گەرياتريا بولىمدەرى جۇمىس ىستەۋگە ءتيىس.
بۇعان دەيىن قىتايدا 60 جاستان اسقان تۇرعىندار سانى 323 ميلليوننان اسقانى حابارلانعان بولاتىن.