سوتقا دەيىنگى تەرگەۋ بيشىمبايەۆتىڭ تۋىستارىنىڭ ءوتىنىشى بويىنشا جۇرگىزىلگەن.
«استانا تۇرعىنى اسا ءىرى كولەمدە الاياقتىق جاساۋعا ارەكەتتەندى. اتاپ ايتساق، بيشىمبايەۆتىڭ جازاسىن جەڭىلدەتەمىز دەگەن جەلەۋمەن 100 ميلليون تەڭگەنى الدى دەگەن كۇدىككە ءىلىندى. سونىمەن قاتار كۇدىكتىنىڭ ارەكەتى اسا ءىرى كولەمدە پارا بەرۋگە يتەرمەلەۋ رەتىندە سارالانىپ وتىر»، - دەدى انيار بيعايداروۆ.
ونىڭ ايتۋىنشا، استانالىق تۇرعىننىڭ باسقا دا قىلمىستارعا قاتىسى بار- جوق ەكەنىن انىقتالىپ جاتىر.
«وعان قاتىستى قاماۋعا الۋ تۇرىندەگى بۇلتارتپاۋ شاراسى تاڭدالدى. تەرگەۋ اياقتالدى، ءىس قارالۋدا»، - دەپ قوستى ۆەدومستۆونىڭ رەسمي وكىلى.
ايتا كەتەيىك، ايەلىن ءولتىردى دەگەن ايىپ تاعىلىپ، اقىرى 24 جىلعا باس بوستاندىعىنان ايىرىلعان قۋاندىق بيشىمبايەۆ تەمىر توردىڭ ار جاعىندا ءالى كۇنگە دەيىن سوت شەشىمىنە كەلىسپەي وتىر. «جازا باستىم» دەپ جازاسىن جەڭىلدەتۋدى سۇرايدى.