بيشىمبايەۆ ىسىندە پروكۋرور بولعان ايماعانوۆا جاڭا قىزمەتكە تاعايىندالدى
استانا. قازاقپارات - ەكس-مينيستر قۋاندىق بيشىمبايەۆ ءىسى بويىنشا مەملەكەتتىك ايىپتاۋشى بولعان ايجان ايماعانوۆا جاڭا قىزمەتكە تاعايىندالدى.
بۇل اقپاراتتى استانا پروكۋراتۋراسى راستادى.
قازىرگى ۋاقىتتا ايماعانوۆا مەملەكەتتىك ايىپتاۋدى قولداۋ جانە استانا قالاسى پروكۋراتۋراسىنىڭ اپەللياتسيالىق ساتىسىنا قاتىسۋ باسقارماسىنىڭ باستىعى قىزمەتىن اتقارادى.
ەسكە سالايىق، بۇعان دەيىن سالتانات نۇكەنوۆانىڭ ولىمىنە قاتىستى ءىس بويىنشا كوپشىلىككە تانىلعان پروكۋرور ايجان ايماعانوۆانىڭ شەنى جوعارىلاعانىن حابارلاعان ەدىك.
ايجان ايماعانوۆا Instagram جەلىسىندەگى پاراقشاسىندا پودپولكوۆنيكتىڭ پوگونىمەن («ادىلەت كەڭەسشىسى» سىنىپتىق شەنى) كيىمىمەن تۇسكەن جاڭا ۆيدەوسىن جاريالادى. الەۋمەتتىك جەلى قولدانۋشىلارى ايماعانوۆانى قۇتتىقتاي جونەلدى.
«پودپولكوۆنيك شەنىن الىپسىز. قۇتتىقتايمىن!»، «پودپولكوۆنيك شەنى قۇتتى بولسىن»، «شەنىڭىز قۇتتى بولسىن، جوعارىلاي بەرىڭىز!!!»، - دەپ جازدى جەلى قولدانۋشىلارى.
ايتا كەتەيىك، قۋاندىق بيشىمبايەۆ پەن ونىڭ ءىنىسى باقىتجان بايجانوۆقا قاتىستى سوت وتىرىسىنا ايىپتاۋشى تاراپتىڭ وكىلى - ايجان ايماعانوۆا ادىلەت مايورى شەنىندە قاتىسقان ەدى.