بيشىمبايەۆ قانشا جىلعا سوتتالۋى مۇمكىن؟

باس پروكۋراتۋرانىڭ Tengrinews.kz سايتىنىڭ رەسمي ساۋالىنا بەرگەن جاۋابىندا قۋاندىق بيشىمبايەۆ قاماۋدا وتىرعانى ايتىلعان.

«بۇل دەرەك بويىنشا قىلمىستىق كودەكستىڭ 99-بابى 2-بولىگى «اسا قاتىگەزدىكپەن جاسالعان ادام ءولتىرۋ» بويىنشا سوتالدى تەرگەۋ امالدارى جۇرگىزىلىپ جاتىر»، - دەلىنگەن باس پروكۋراتۋرانىڭ جاۋابىندا.

بۇل قىلمىس 15 جىلدان ءومىر بويىنا باس بوستاندىعىنان ايىرۋ جازاسىن كوزدەيدى. سونىمەن قاتار، باس پروكۋراتۋرا تاعى ءۇش باپ بويىنشا قىلمىستىق ءىس قوزعالعانىن حابارلادى.

«قىلمىستىق كودەكستىڭ 432-بابى («قىلمىستى جاسىرىپ قالۋ»)، قىلمىستىق كودەكستىڭ 119-بابى («قاۋىپتى جاعدايدا قالدىرۋ») جانە قىلمىستىق كودەكستىڭ 434-بابى («قىلمىس تۋرالى حابارلاماۋ») بويىنشا قىلمىستىق ىستەر قوزعالدى»، - دەدى باس پروكۋراتۋرا وكىلدەرى.

ولار قىلمىستىق ىستەردىڭ تەرگەۋ ساتىسىندا ەكەنىن جانە قىلمىستىق-پروتسەستىك كودەكستىڭ 201-بابىنىڭ تالاپتارىنا سايكەس تەرگەۋ مۇددەسىنە قاتىستى وزگە دە مالىمەتتەر جاريا ەتىلمەيتىنىن العا تارتتى.

ەسكە سالايىق، بۇعان دەيىن ەكس-مينيستر بيشىمبايەۆ ايەلىن ۇرىپ ولتىردى دەگەن كۇدىككە ىلىنگەنى حابارلاندى. كەيىن ول قاماۋعا الىندى. 11- قاراشادا بيشىمبايەۆ ۋاقىتشا ۇستاۋ يزولياتورىنا قاماۋعا الىندى.