بيشىمبايەۆ ءىسى: باقىتجان بايجانوۆ جوعارعى سوتقا شاعىمدانبايتىن بولدى
استانا. KAZINFORM - مارقۇم سالتانات نۇكەنوۆانىڭ ولىمىنە قاتىسى بار دەگەن ايىپپەن سوتتالعان باقىتجان بايجانوۆ ۇكىمنىڭ كۇشىن جويۋدى جانە ءىستى جاڭا سوت تالقىلاۋىنا جىبەرۋدى سۇراعان ەدى.
الايدا جوعارعى سوتتىڭ باسپا ءسوز قىزمەتىنىڭ مالىمەتىنشە، سوتتالۋشى ءوتىنىشىن قايتارىپ العان.
«باقىتجان بايجانوۆ بيىلعى 26-تامىزدا سوتتى قايتا قاراۋ تۋرالى ءوزىنىڭ كاسساتسيالىق ءوتىنىشىن كەرى قايتارىپ الدى. وسىعان بايلانىستى ءوتىنىش الدىن الا قارالمايدى. ءوتىنىشتى قايتارۋ تۋرالى قاۋلى 2024 -جىلعى 4-قىركۇيەكتە شىعارىلادى»، - دەلىنگەن جوعارعى سوتتىڭ حابارلاماسىندا.
ەسكە سالا كەتەيىك، قۋاندىق بيشىمبايەۆتىڭ قىلمىسىن جاسىردى دەپ ايىپتالعان ەكس- ءمينيستردىڭ ءىنىسى باقىتجان بايجانوۆ سوت ۇكىمىمەن 4 جىلعا سوتتالدى.
كەيىن اعايىندىلار ۇكىممەن كەلىسپەي اپەللياتسيالىق شاعىم ءتۇسىردى.
ايتا كەتسەك، اپەللياتسيا سوتى ەكس شەنەۋنىك قۋاندىق بيشىمبايەۆ پەن ونىڭ ءىنىسى باقىتجان بايجانوۆ ۇكىمىن وزگەرىسسىز قالدىرعان ەدى.