وقيعا اقتوبە - استراحان تاسجولىندا بولعان. قىزمەت بارىسىندا پوليتسەيلەر قاتتى جەل مەن جاڭبىرعا قاراماستان جولىن جالعاستىرىپ بارا جاتقان ەر ادامدى بايقاعان.
شەتەلدىك ەر ادام قىرعىزستاننىڭ بىشكەك قالاسىنان ۇمرا قاجىلىعىن وتەۋگە جولعا شىققان. الايدا اۋا رايىنىڭ كۇرت بۇزىلۋى ونىڭ ساپارىن قيىنداتقان.
جولاۋشىنىڭ جاعدايىن بايقاعان ءتارتىپ ساقشىلارى وعان كومەك كورسەتىپ، تەمىر اۋدانىنا قاراستى جاقسىماي اۋىلىنىڭ ماڭىنداعى كەمپينگكە جەتكىزگەن.
ەندى ول اۋا رايى جاقسارعانشا سول جەردە ايالداپ، ساپارىن قاۋىپسىز جالعاستىرا الادى.
وسىلايشا، پوليتسەيلەر الىس ساپارعا شىققان جولاۋشىنى قولايسىز اۋا رايىندا جولدا قالدىرماي، دەر كەزىندە كومەك كورسەتتى.
Massaget.kz