بىشكەكتە جەڭىستىڭ 80 جىلدىعىنا ارنالعان اسكەري پاراد ءوتىپ جاتىر
11:53, 08 - مامىر 2025
استانا. KAZINFORM - بۇگىن الا- توو ورتالىق الاڭىندا ەكىنشى دۇنيەجۇزىلىك سوعىستاعى جەڭىستىڭ 80 جىلدىعىنا ارنالعان سالتاناتتى اسكەري پاراد ءوتىپ جاتىر، دەپ حابارلايدى كاۆار.
قىرعىز رەسپۋبليكاسىنىڭ پرەزيدەنتى - قارۋلى كۇشتەردىڭ باس قولباسشىسى سادىر جاپاروۆ جەڭىس الاڭىندا وتكەن ميتينگ- رەكۆيەمگە قاتىستى.
مەملەكەت باسشىسى ماڭگىلىك الاۋعا گۇل شوعىن قويىپ، ەكىنشى دۇنيەجۇزىلىك سوعىستا قازا تاپقانداردى ءبىر مينۋت ۇنسىزدىكپەن ەسكە الدى.
قازىرگى ۋاقىتتا بىشكەك گارنيزونىنىڭ اسكەري پارادى ءوتىپ جاتىر.
ەسكە سالساق، كەشە ەلورداداعى «قازاق ەلى» الاڭىندا مەملەكەت باسشىسى - قازاقستان قارۋلى كۇشتەرىنىڭ جوعارعى باس قولباسشىسى قاسىم- جومارت توقايەۆتىڭ قاتىسۋىمەن ۇلى جەڭىستىڭ 80 جىلدىعىنا ارنالعان اسكەري پاراد ءوتتى.