بيۋدجەت كىرىسىنىڭ تاپشىلىعى 1,2 تريلليون تەڭگەگە جەتكەن

استانا. KAZINFORM - قارجى مينيسترلىگى 2024 -جىلعى 1-تامىزعا ارنالعان رەسپۋبليكالىق بيۋدجەتتىڭ اتقارىلۋى تۋرالى ەسەپ جاريالادى.

قۇجاتتاعى سانداردان بيۋدجەت كىرىسىنىڭ التى ايداعى جوسپارى 11,5 تريلليون تەڭگە بولعانىمەن، قازىناعا تۇسكەنى 10,2 تريلليون تەڭگە ەكەنىن كورۋگە بولادى. ياعني، بيۋدجەت كىرىسىنىڭ تاپشىلىعى 1.29 تريلليون تەڭگە بولعان.

جوسپاردىڭ ورىندالماۋىنا سالىق تۇسىمدەرىنىڭ ويداعىداي بولماۋى قاتتى اسەر ەتكەن - 7,75 تريلليون تەڭگەنىڭ ورنىنا 6,06 تريلليون تەڭگە كىرگەن. ياعني، سالىق تۇسىمدەرىنىڭ تاپشىلىعى 1,69 تريلليون تەڭگەگە دەيىن جەتكەن. الايدا مەملەكەت مەنشىگىندەگى اكتيۆتەردىڭ كىرىسى، بيۋدجەت كرەديتتەرىنىڭ سىياقىسى سياقتى سالىقتىق ەمەس تابىستار ارتىعىمەن ورىندالعان - 120,6 ميلليارد تەڭگەنىڭ ورنىنا 876,8 ميلليارد تەڭگە تۇسكەن.

ال ۇلتتىق قوردان الىنۋى كەرەك بولعان 3,4 تريلليون تەڭگەنىڭ ورنىنا 2,9 تريلليون تەڭگە يگەرىلگەن.

وسىنىڭ ءبارى بيۋدجەت شىعىسىنىڭ دا تولىق ورىندالماۋىنا اسەر ەتسە كەرەك - 13,6 تريلليون تەڭگەنىڭ ورنىنا 12,9 تريلليون جۇمسالعان.

اۆتور

ەسىمجان ناقتىباي