استانا. KAZINFORM - تاشكەنتتە (وزبەكستان) اۋىر اتلەتيكادان ازيا چەمپيوناتىنىڭ ەكىنشى جارىس كۇنى ءوتىپ جاتىر. قازاقستاندىق اۋىر اتلەت ەرسەيت بەيبارىس 65 ك گ-عا دەيىنگى سالماق دارەجەسىندە ءوز ونەرىن ءساتتى اياقتادى. بۇل تۋرالى ق ر اۋىر اتلەتيكا فەدەراتسياسى حابارلادى.
سپورتشى جۇلقا كوتەرۋ جانە قوس سايىس قورىتىندىسى بويىنشا ەكى التىن مەدال جەڭىپ الىپ، جۇلقا كوتەرۋ جانە قوس سايىس قورىتىندىسى بويىنشا ەكى ازيا رەكوردىن جاڭارتتى.
ەرسەيت بەيبارىستىڭ ناتيجەسى:
جۇلقا كوتەرۋ - 129 ك گ
سەرپە كوتەرۋ - 152 ك گ
قوس سايىس قورىتىندىسى - 281 ك گ
سەنىمدى ونەر كورسەتكەن ەرسەيت بەيبارىس ازيانىڭ ەڭ مىقتى اتلەتى اتانىپ، ءوز سالماق دارەجەسىندە باسقا ەلدەردىڭ سپورتشىلارىنا مۇمكىندىك بەرمەدى جانە قۇرلىقتىڭ اۋىر اتلەتيكا تاريحىنا ءوز ەسىمىن جازدى.
وسىلايشا ەرسەيىت بەيبارىس جارقىن ونەر كورسەتىپ، ەكى التىن مەدال جەڭىپ الدى جانە تاريحي ناتيجە كورسەتتى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан