بياتلوننان قازاقستان كۋبوگى: العاشقى جەڭىمپازدار انىقتالدى

  بۇگىن شۋچينسك قالاسىنداعى قىسقى سپورت تۇرلەرى بويىنشا وليمپيادالىق دايارلاۋ ورتالىعىنىڭ بازاسىندا بياتلوننان ق ر كۋبوگىنىڭ ەكىنشى كەزەڭى باستالدى، دەپ حابارلايدى Kazinform.

قازاقستان بياتلونشىلار وداعىنىڭ باسپا ءسوز قىزمەتى ءمالىم ەتكەندەي ءبىرىنشى كۇنى سپرينتەرلىك جارىسقا اباي، اقمولا، اقتوبە، الماتى، شىعىس قازاقستان، قاراعاندى، پاۆلودار، سولتۇستىك قازاقستان وبلىستارى مەن الماتى قالالارىنان 100 دەن استام سپورتشى قاتىستى.

العاشقى جارىس كۇنىنىڭ قورىتىندىسى بويىنشا ەرلەر 10 ك م قاشىقتىقتا ونەر كورسەتىپ، اراسىنان الماتىلىق ەرمولەنكو پەتر كوش باستادى. ول فينيشكە 28:44.2 ۋاقىتتا كەلسە، ەكىنشى بولىپ اقمولالىق انتون باشكيروۆ +23.8 سەكۋندتان كەيىن، 29:08.0 ۋاقىتتا مارە سىزىعىنا جەتتى. الماتىلىق تولەگەنوۆ تەمىرلان 29:14.8 ۋاقىتتا ۇزدىك ۇشتىككە ەندى.

ايەلدەر اراسىنان 7,5 ك م قاشىقتىقتا گالينا ۆيشنيەۆسكايا- شەپورەنكو 23:15.1 ۋاقىتتا ءبىرىنشى بولىپ، داريا كليمينا +34,3 سەكۋند ايىرماشىلىقپەن 23:49.4 ۋاقىتتا ەكىنشى بولىپ، ال بەلەتسكايا ەليزاۆەتا 24:44.8 ۋاقىتتا ءۇشىنشى بولىپ اياقتادى.

جاسوسپىرىمدەر اراسىنان امۋرلايەۆ رۋسلان 10 ك م قاشىقتىقتا 27:34.2 ۋاقىتتا توپ جارسا، چەرۆەنكو دانيل +19.4 سەكۋندقا كەشىگىپ، 27:53.6 ۋاقىتتا ەكىنشى بولىپ، ليتۆينوۆ ەۆگەني 28:01.9 كورسەتكىشپەن ۇشتىكتى اياقتادى.

جاسوسپىرىم قىزدار قۇراماسى 7,5 ك م قاشىقتىقتا سىنعا ءتۇسىپ، 24:42.4 ۋاقىتتا پولديايەۆا ماريا ءبىرىنشى، دولگوپولوۆا كسەنيا 25:11.2 ۋاقىتتا ەكىنشى، ال

چۋپيك يانا 25:32.7 ۋاقىتتا ءۇشىنشى ورىندى يەلەندى.