بۇگىن ۇكىمەت ەكونوميكانىڭ نەگىزگى كورسەتكىشتەرىن جاريالايدى

وتىرىس سوڭىندا مينيسترلەر باسپا ءسوز كونفەرەنتسياسىن وتكىزىپ، جۋرناليستەردىڭ سۇراقتارىنا جاۋاپ بەرەدى.

ءبىرىنشى جارتىجىلدىقتا قازاقستاننىڭ جالپى ىشكى ءونىمى %4,1 عا ءوستى. قۇرىلىس سالاسى %15,2 عا، وڭدەۋ ونەركاسىبى %9,8 عا، كولىك سالاسى %7,1 عا ارتتى. نەگىزگى كاپيتالعا سالىنعان ينۆەستيتسيا كولەمى 9,5 تريلليون تەڭگەنى قۇرادى.

قاڭتار-مامىر ايلارىندا سىرتقى ساۋدا اينالىمى 56,3 ميلليارد دوللار بولدى. ەكسپورت كولەمى 30,4 ميلليارد دوللاردى، يمپورت 26 ميلليارد دوللاردى قۇراپ، وڭ ساۋدا بالانسى ساقتالدى. سونىمەن قاتار ماشينا جاساۋ، جەڭىل جانە حيميا ونەركاسىبىندە ءوسىم بايقالدى.

بۇعان دەيىنگى ۇكىمەت وتىرىسىندا «Digital Qazaqstan» ستراتەگياسىن ىسكە اسىرۋ ماسەلەسى تالقىلاندى. سيفرلاندىرۋ ارقىلى 2027-2029 -جىلدارعا ارنالعان بيۋدجەتتى قالىپتاستىرۋ كەزىندە 1,5 تريلليون تەڭگە شىعىننىڭ الدىن الىپ، قوسىمشا 410 ميلليارد تەڭگە كىرىس تۇسكەنى ايتىلدى.

ۇكىمەت سيفرلىق تەحنولوگيالار مەن جاساندى ينتەللەكتىنى دامىتۋعا، ءوندىرىس تيىمدىلىگىن ارتتىرۋعا جانە ەنەرگەتيكا سالاسىنداعى شىعىنداردى ازايتۋعا باسىمدىق بەرمەك.