قايرات بورانبايەۆ مەملەكەتكە جالپى قۇنى 1,4 ميلليارد تەڭگەدەن اساتىن «Comfort Hotel Astana» قوناق ءۇي كەشەنىن قايتاراتىن بولدى، دەپ حابارلايدى Kazinform قارجى مونيتورينگى اگەنتتىگىنىڭ باسپا ءسوز قىزمەتىنە سىلتەمە جاساپ.
"ق. بورانبايەۆتىڭ كومپانيالارى مەملەكەتتىك مۇلىك كوميتەتىنە جالپى قۇنى 1,4 ميلليارد تەڭگەدەن اساتىن «Comfort Hotel Astana» قوناق ءۇي كەشەنىن مەملەكەت مەنشىگىنە ءوز ەركىمەن بەرۋ ءۇشىن ءتيىستى وتىنىمدەر بەردى.
اۋماعى 5 مىڭ شارشى مەتردەن اساتىن بۇل قوناق ءۇي كەشەنىنىڭ جىلدىق اينالىمى 900 ميلليون تەڭگەگە جۋىق" دەلىنگەن حابارلامادا.
قولدانىستاعى زاڭناماعا سايكەس بۇل نىساندى الەۋمەتتىك ماقساتتا دەمالىس، ساۋىقتىرۋ جانە ءبىلىم بەرۋ ورتالىقتارىن ۇيىمداستىرۋ ءۇشىن پايدالانۋ جوسپارلانۋدا.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.