«بولاشاق» بويىنشا تۇسۋگە بولاتىن شەتەلدىك جوعارى وقۋ ورىندارىنىڭ سانى ارتتى

استانا. KAZINFORM - قازاقستاندا «بولاشاق» ستيپەندياسى بويىنشا وقۋعا ۇسىنىلاتىن شەتەلدىك جوعارى وقۋ ورىندارىنىڭ ءتىزىمى كەڭەيتىلدى. قۇجات جوباسى «اشىق ن ق ا» پورتالىندا جاريالاندى.

عىلىم جانە جوعارى ءبىلىم مينيسترلىگى «بولاشاق» حالىقارالىق ستيپەندياسىن تاعايىنداۋ كونكۋرسىنىڭ جەڭىمپازدارىنا 2024-2026-جىلدارى وقۋعا جانە ءتىل كۋرسىنان وتۋگە ۇسىنىلاتىن الدىڭعى قاتارلى شەتەلدىك جوعارى وقۋ ورىندارى مەن ۇيىمداردىڭ تىزىمىنە تولىقتىرۋلار ەنگىزدى.

ءتىزىم كەلەسى جەتەكشى شەتەلدىك جوعارى وقۋ ورىندارىمەن تولىقتىرىلدى:

- نيۋ-يورك كينواكادەمياسى (New York Film Academy)، ا ق ش؛

- لوندون ونەر ۋنيۆەرسيتەتى (University of the Arts London)، ۇلى بريتانيا؛

- مۋزىكا جونىندەگى كورولدىك اكادەميا (Royal Academy of Music)، ۇلى بريتانيا؛

- ي. م. سەچەنوۆ اتىنداعى ءبىرىنشى ماسكەۋ مەملەكەتتىك مەديتسينا ۋنيۆەرسيتەتى (I. M. Sechenov First Moscow State Medical University)، رەسەي؛

- لوندون گيگيەنا جانە تروپيكالىق مەديتسينا مەكتەبى (London School of Hygiene Tropical Medicine)، ۇلى بريتانيا؛

- سان-فرانتسيسكوداعى كاليفورنيا ۋنيۆەرسيتەتى (University of California ،San Francisco)، ا ق ش.

وسىلايشا تىزىمگە 279 شەتەلدىك جوعارى وقۋ ورنى ەنىپ وتىر. اتالعان بۇيرىق 2025-جىلعى 2-شىلدەدە كۇشىنە ەندى.

ايتا كەتەيىك، بيىل شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ شەشىمىمەن 189 قازاقستاندىق حالىقارالىق «بولاشاق» ستيپەندياسىنىڭ يەگەرى اتاندى.