بوكستان قازاقستان ەرلەر قۇراماسىنىڭ جاڭا باس باپكەرى مالىمدەمە جاسادى

استانا. KAZINFORM - بوكستان ەرلەر قۇراماسىنىڭ باس باپكەر قايرات ساتجانوۆتىڭ ءوزىنىڭ جۇمىس جوسپارىنا قاتىستى مالىمدەمە جاسادى.

«مەملەكەت جانە قازاقستان بوكس فەدەراتسيا باسشىلىعى جاعىنان سەنىم ءبىلدىرىپ جاتقانىنا العىسىمدى ايتامىن. بۇل تۇرعىدا بىزگە ۇلكەن جاۋاپكەرشىلىك جۇكتەلىپ وتىر. قازىرگى كەزدە قازاقستان بوكسىندا ءبىرقاتار پروبلەما بار. ول پروبلەمالاردى پاريج وليمپياداسىندا كوردىك. ەڭ بىرىنشىدەن، جاتتىعۋ جوسپارلارىنىڭ دۇرىس قۇرىلماۋى مەن كوماندالارمەن بىرلەسكەن وقۋ-جاتتىعۋ جيىندارىنىڭ وتپەۋى سەبەبىنەن»، - دەدى ق. ءساتجانوۆ.

ونىڭ ايتۋىنشا، العا اۋقىمدى جوسپار قويىلىپ وتىر. بىرىنشىدەن، جاسوسپىرىمدەر، جاستار كوماندالارىنا بىردەي كوڭىل ءبولۋ، سونداي- اق قازاقستانداعى ىرىكتەۋ جارىستارىنىڭ ءادىل وتۋىنە ەكپىن قويىلماق.

«جاتتىعۋ جيىندارىنىڭ بارلىعىن ءبىر جۇيەگە كەلتىرۋ جوسپارلانعان. كوماندا جۇمىسىن جاقسارتۋ باعىتىندا شەتەلدەن مامانداردى شاقىرتۋدى ويلاستىرىپ وتىرمىز. قازاقستان ۇلتتىق قۇراما كومانداسىنىڭ باس باپكەرى بولۋ جولىندا ەلگە قىزمەتۋگە، ەل سەنىمىن اقتاۋعا بارىمدى سالامىن»، - دەدى ول.

بۇرىن حابارلانعانداي، وسى اپتادا قازاقستان بوكس فەدەراتسياسى قايرات ساتجانوۆتىڭ بوكستان ەرلەر قۇراماسىنىڭ باس باپكەرى قىزمەتىنە تاعايىندالعانىن مالىمدەدى.