كۋبا بوكسشىلارى جەلتوقسان ايىنىڭ باسىندا قازاقستانعا كەلگەن 9 بىلعارى قولعاپ شەبەرىنىڭ اراسىندا الەم چەمپيوناتىنىڭ جانە پانامەريكالىق چەمپيوناتتارىنىڭ فيناليستەرى، كوپتەگەن حالىقارالىق تۋرنيرلەردىڭ جەڭىمپازدارى مەن جۇلدەگەرلەرى بار. ولاردى ەكى جاتتىقتىرۋشى باستاپ كەلگەن. باستى ماقسات - قازاقستان بوكسشىلارىمەن بىرلەسكەن وقۋ-جاتتىعۋ جيىنىنا جانە عالىم جارىلعاپوۆتى ەسكە الۋعا ارنالعان حالىقارالىق تۋرنيرگە قاتىسۋ.
ەكى ەل بوكسشىلارى 16- جەلتوقسانعا دەيىن بىرلەسكەن وقۋ-جاتتىعۋ جيىنىن وتكىزبەك.
ال 17- جەلتوقساندا قاراعاندىدا قازاق ك س ر ەڭبەك سىڭىرگەن جاتتىقتىرۋشىسى عالىم جارىلعاپوۆتى ەسكە الۋعا ارنالعان ХХХІХ حالىقارالىق تۋرنير باستالادى. ەرلەر مەن ايەلدەر اراسىنداعى ۇزدىكتەر 21- جەلتوقساندا انىقتالادى.
اۆتوركۇنسۇلتان وتارباي