بوكستان قازاقستان ۇلتتىق قۇراماسى قاشان جاساقتالادى؟
استانا. KAZINFORM - بوكستان قازاقستان ۇلتتىق كومانداسىنىڭ فينالدىق قۇراماسى جەلتوقسان ايىندا وتەتىن ەل چەمپيوناتىنان كەيىن جاساقتالادى.
بۇل تۋرالى باس جاتتىقتىرۋشى قايرات ءساتجانوۆ ق ر ۇ و ك سايتىنا بەرگەن سۇحباتىندا ايتتى.
ءبىزدىڭ قۇراما ادەتتە قازاقستان چەمپيوناتىنان كەيىن جاساقتالادى. جەلتوقساندا استانادا ىشكى تۋرنير وتەدى. كوماندا جاساقتاۋدى سول كەزدە قاراستىرا الامىز. ەل بىرىنشىلىگىنە بارلىق بوكسشى قاتىسا الادى. جاستار كومانداسىنىڭ وكىلدەرىنە دە قاتىسۋعا رۇقسات بەردىك. ودان جەتى-سەگىز ادامدى نەگىزگى قۇرامعا كىرە الادى دەپ ويلايمىن. سونىمەن بىرگە ەل چەمپيوناتىنان ازيا چەمپيوناتىنىڭ جەڭىمپازدارى مەن جۇلدەگەرلەرىن بوساتامىز. ازيا بىرىنشىلىگى 30-قاراشادا يوردانيادا وتەدى. قالعانىنىڭ ءبارى قازاقستان چەمپيوناتىنىڭ قاتىسۋشىسى بولادى، - دەدى قۇرامانىڭ باس جاتتىقتىرۋشىسى.
ايتا كەتەيىك، جۋىردا عانا شىمكەنتتە قاراقوزى ابداليەۆتى ەسكە الۋعا ارنالعان ءىرى حالىقارالىق تۋرنير ءوتتى. جارىس قورىتىندىسى بويىنشا ازيا چەمپيوناتىنا باراتىندار ءتىزىمى جاريالاناتىن بولادى.