استانا. KAZINFORM - بوكستان يتاليانىڭ بۋستو-ارسيتسيو قالاسىندا ءوتىپ جاتقان حالىقارالىق ليتسەنزيالىق تۋرنيردە قازاقستاندىق بوكسشى ريمما ۆولوسەنكو ءۇشىنشى جەڭىسىنە قول جەتكىزدى.
ول بۇگىن ۋرۋگۆاي سپورتشىسى كاميللا پاولو پينەيرودان ايلاسىن اسىردى. اسا تارتىستى وتكەن جەكپە-جەكتە قازاقستاندىق بوكسشى جىلدام قيمىلداپ، ءدال سوققىلارىن دارىتا ءبىلدى. سونداي-اق، ريمما 2-راۋند بارىسىندا قارسىلاسىن نوكداۋنعا دا جىبەردى.
ەندى وتانداسىمىز شيرەك فينالدىق ايقاسىن ەرتەڭ وتكىزەدى.
ەستەرىڭىزگە سالا كەتەيىك، وتانداسىمىز كەشە ۆەنگريالىق پەترا سابومەن جۇدىرىقتاسىپ، قارسىلاسىن ەش قيىندىقسىز جەڭگەن بولاتىن.
ال ءبىرىنشى جەكپە-جەگىندە ترينيداد توباگو ەلىنىڭ وكىلى تياننا گۋيمەن كەزدەسىپ، تورەشىلەر شەشىمىمەن باسىم ءتۇستى.
اۆتوركۇنسۇلتان وتارباي
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.