استانا. قازاقپارات - World Boxing ۇيىمى بوكستان 2025-جىلى وتەتىن ازيا چەمپيوناتتارىنىڭ كەستەسىن جاريالادى. بارلىق جاس دارەجەسى بويىنشا ەرلەر مەن ايەلدەر باسەكەسى قاتار وتەتىن بولدى.
15 جانە 17 جاسقا دەيىنگى بوكسشىلار اراسىنداعى ازيا چەمپيوناتى 17-ءساۋىر – 1-مامىر ارالىعىندا يوردانيا ەلىنىڭ استاناسى امماندا وتەدى.
19 بەن 22 جاسقا دەيىن سپورتشىلار اراسىنداعى تۋرنير 20-شىلدە مەن 3-تامىز ارالىعىندا ۇزدىكتەردى انىقتايدى. ال ەرەسەكتەر اراسىنداعى ازيا چەمپيوناتى 1-15-قازان كۇندەرى ۇيىمداستىرىلماق. بۇل جارىستاردىڭ وتەتىن ورنى كەيىنىرەك انىقتالاتىن بولادى.
ايتا كەتەيىك، قازىر بوكستان قازاقستان قۇراماسى وقۋ-جاتتىعۋ جيىنىن وتكىزىپ جاتىر. ءبىر قۇرام يسپانياعا اتتاندى. وندا حالىقارالىق تۋرنيرگە قاتىساتىن بولادى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.