بوكستان ايەلدەر قۇراماسىنىڭ باس باپكەرى اۋىستى

استانا. KAZINFORM - ايەلدەر بوكسىنان قازاقستان ۇلتتىق قۇراماسىنىڭ باس باپكەرى اۋىستى. ەندى بۇرىمدى بوكسشىلارىمىزدى الداعى ۋاقىتتا ەلدوس سايدالين باپتاماق.

ق ر بوكس فەدەراتسياسى ءمالىم ەتكەندەي، قازاقستان ايەلدەر قۇراماسىنىڭ باس باپكەرى بولىپ سايدالين ەلدوس جانىبەك ۇلى تاعايىندالدى.

ونىڭ باپكەرلىك ءوتىلى 16 جىلدان استام. قاراعاندى وبلىسى بالالار مەن جاس وسپىرىمدەردىڭ مامانداندىرىلعان سپورت مەكتەبىندە جاتتىقتىرۋشى بولعان.

2020-جىلدان بەرى ايەلدەر بوكسىنان قازاقستان جاستار جانە جاس وسپىرىمدەر قۇرامالارىنىڭ اعا باپكەرى.

ونىڭ جەتەكشىلىگىمەن 2021-جىلعى الەم چەمپيوناتىندا قىزدارىمىز 2 كۇمىس، 3 قولا مەدال ەنشىلەگەن.

2022-جىلى الەم چەمپيوناتىندا جاستار قۇراماسى 2 التىن، 2 كۇمىس، 3 قولا مەدال جەڭىپ الدى. ال 2023-جىلى استانادا وتكەن جاستار جانە جاس وسپىرىمدەر اراسىنداعى ازيا چەمپيوناتىندا قازاقستان قىزدارى ەل قورجىنىنا 8 التىن، 4 كۇمىس جانە 9 قولا مەدال سالدى. سونداي-اق، بىلتىر ارمەنيادا وتكەن جاس وسپىرىمدەر اراسىنداعى دۇنيەجۇزىلىك دودادا 3 التىن، 5 قولا مەدال جەڭىپ الدى.

ال وسىعان دەيىن قازاقستان قىزدار بوكس قۇراماسىنىڭ باس باپكەرى بولعان شاميل سافيۋللين قىزمەتىنەن كەتتى.

اۆتوركۇنسۇلتان وتارباي